خۇ جىڭتاۋ دۇنيادىكى ئون چوڭ دىكتاتۇرنىڭ ئۈچىنچىسى ئىكەن

يېقىندا دۇنيادىكى 10 چوڭ دىكتاتۇرنى باھالاپ چىققان خەلقارا كەچۈرۈم تەشكىلاتى ، ئامېرىكىدىكى ئەركىنلىك قەسىرى ، كىشىلىك ھوقۇق كۈزۈتىش تەشكىلاتى , چىگرا ھالقىغان مۇخبىرلار تەشكىلاتى قاتارلىق بىر قانچە خەلقارا تەشكىلات ، خىتاي دۆلەت رەئىسى خۇ جىڭتاۋنى دۇنيادىكى ئون چوڭ دىكتاتۇرنىڭ ئۈچۈنچىسى ئېلان قىلدى .

ھازىرغۇچە ھاكىمىيەت ئۈستىدىكى 10 چوڭ دىكتاتۇرنىڭ ئالدىنقى ئۈچىنىڭ ھەممىسى ئاسىيا دۆلەتلىرىدە بولۇپ , ئۇلار شىمالى كورىيە رەھبىرى كىم جۇڭئىل ، بېرما ھەربى مۇستەبىت ھۆكۈمىتىنىڭ رەھبىرى ۋە خىتاي دۆلەت رەئىسى خۇ جىڭتاۋلارنى ئۆز ئىچىگە ئالىدۇ . خىتاي دۇنيا بويىچە ئۆلۈم جازاسىنى ئەڭ كۆپ ئىجرا قىلىدىغان دۆلەت . خىتاي ھۆكۈمىتى بىر يىلدا ئىجرا قىلىدىغان ئۆلۈم جازاسى ، دۇنيادىكى باشقا بارلىق دۆلەتلەر بىر يىلدا ئىجرا قىلىدىغان ئۆلۈم جازاسىنىڭ ئومۇمى يىغىندىسىدىنمۇ كۆپ .

خىتاي ، ئۇيغۇر ئاپتونوم رايونىدىكى سىياسى ، دىنىي ئۆكتىچىلەر ۋە مۇستەقىلچىلەرگە ئۆلۈم جازاسى بېرىش بىلەن تونۇلغان .خىتايدا ھەر يىلى ئىجرا قىلىنىدىغان ئۆلۈم جازاسىنىڭ خىتاي ھۆكۈمىتى ئېلان قىلغان ساندىن كۆپ يۇقىرى ئىكەنلىگى ئىلگىرى سۈرۈلمەكتە . خىتاي خەلق قۇرۇلتېيىنىڭ بىر ۋەكىلى ئۆتكەندە خىتاي بويىچە بىر يىلدا 10 مىڭ ئادەمنىڭ ئۆلۈم جازاسى ئىجرا قىلىنىدىغانلىقىنى پاشقىلغان ئىدى . بىراق بۇ سان ھۆكۈمەت دائىرىلىرى تەرىپىدىن دەرھال رەت قىلىنغان . ئۆلۈم جازاسىنىڭ دىكتاتۇرلار تىزىملىكىدىكى قالغان مۇستەبىتلەر ، زېمبابۇۋى پرىزدېنتى مۇگابى ، سەئۇدى ئەرەبىستان پادىشاھسى ئابدۇللا ، سۇدان پرىزدېنتى بەشىر ، تۈركمەنىستان پرىزدېنتى نىيازۇپ ، كۇبا رەھبىرى كاستىرولارنى ئۆز ئىچىگە ئالىدۇ . (ئەركىن)