Xu jingtaw dunyadiki on chong diktaturning üchinchisi iken


2004-08-29
Share

Yéqinda dunyadiki 10 chong diktaturni bahalap chiqqan xelqara kechürüm teshkilati , amérikidiki erkinlik qesiri , kishilik hoquq küzütish teshkilati , chigra halqighan muxbirlar teshkilati qatarliq bir qanche xelqara teshkilat , xitay dölet re'isi xu jingtawni dunyadiki on chong diktaturning üchünchisi élan qildi .

Hazirghuche hakimiyet üstidiki 10 chong diktaturning aldinqi üchining hemmisi asiya döletliride bolup , ular shimali koriye rehbiri kim jung'il , bérma herbi mustebit hökümitining rehbiri we xitay dölet re'isi xu jingtawlarni öz ichige alidu . Xitay dunya boyiche ölüm jazasini eng köp ijra qilidighan dölet . Xitay hökümiti bir yilda ijra qilidighan ölüm jazasi , dunyadiki bashqa barliq döletler bir yilda ijra qilidighan ölüm jazasining omumi yighindisidinmu köp .

Xitay , Uyghur aptonom rayonidiki siyasi , diniy öktichiler we musteqilchilerge ölüm jazasi bérish bilen tonulghan .Xitayda her yili ijra qilinidighan ölüm jazasining xitay hökümiti élan qilghan sandin köp yuqiri ikenligi ilgiri sürülmekte . Xitay xelq qurultéyining bir wekili ötkende xitay boyiche bir yilda 10 ming ademning ölüm jazasi ijra qilinidighanliqini pashqilghan idi . Biraq bu san hökümet da'iriliri teripidin derhal ret qilin'ghan . Ölüm jazasining diktaturlar tizimlikidiki qalghan mustebitler , zémbabuwi prizdénti mugabi , se'udi erebistan padishahsi abdulla , sudan prizdénti beshir , türkmenistan prizdénti niyazup , kuba rehbiri kastirolarni öz ichige alidu . (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet