Xu jintaw bilen teywen öktichi partiyisining rehbiri sung chuyü körüshti


2005-05-12
Share

Xitayni ziyaret qiliwatqan teywen xelqperwer partiyisining re'isi sung chuyü peyshenbe küni xitay kompartiyisining bash sékritari we dölet re'isi xu jintaw bilen uchrashti.

Amérika birleshme axbarat agéntliqining xewirige qarighanda, xujintaw söhbette, sung chuyüning teywen musteqilliqigha qarshi turghanliqigha yuqiri baha bergen. U yene, eger teywen prézidénti chin shüybyen " bir xitay" prinsipini qubul qilsa, uning bilen söhbet ötküzüshni xalaydighanliqini otturigha qoyghan.

Xitay chong quruqluqi bilen birlishishni yaqilaydighan teywen xelqperwer partiyisining re'isi sung chuyü xitayni ziyaret qilghandin béri, teywenning musteqilliqini qollimaydighanliqini bildürmekte hemde béyjingni teywen'ge qaratqan herbiy tehdidni bikar qilip, iqtisadiy we bashqa tereplerdin alaqini kücheytishke chaqirmaqta.

Xewerge qarighanda, xitay dölet metbu'atliri sung chuyüning ziyaritige alahide ehmiyet bérip, iz qoghlap xewer bergen. Sung chuyü bu ayning ichide xitayni ziyaret qilghan teywendiki ikkinchi bir öktichi partiyining rehbiri bolup hésablinidu.

Buning aldida teywen gomindang partiyisining re'isi lyen jenmu xitayni ziyaret qilghan idi. Xitay hökümiti teywen öktichi partiye rehberlirining ziyariti arqiliq, teywen prézidénti chin shüybyenni yalghuz qaldurush we ikki qirghaq munasiwitini yaxshilash heqqide uninggha bésim ishlitishni ümid qilmaqta.

Biraq, amérika dölet mejlisi kéngesh palatasining ezasi dey'enna fensiténning charshenbe küni bildürüshiche, xitay bilen teywenning munasiwiti, teywendiki ikki öktichi partiye rehbirining xitayni ziyaret qilishi bilen özgirip qalmaydiken. Amérika teywen boghézi munasiwitide yenila muhim rol oynaydighan bolup, amérikining meydani ikki qirghaqning hazirqi halitini saqlap qélish iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet