Ху җинтав вейтнам парламентида сөз қилди


2005.11.01
Share on WhatsApp
Share on WhatsApp

Вейтнамни зиярәт қиливатқан хитай дөләт рәиси ху җинтав зияритиниң 2 - күни вейтнам ‎парламентида сөз қилип, асия әллирини хитайниң иқтисади вә сияси тәрәққиятидин ‎қорқмаслиққа үндиди. ‎

Хитай, америкиниң йәр шаридики бирдин - бир йитәкчилик орниға қарши ‎тәңпуңлаштурғучи дөләт болуш үчүн уруниватқан бир чағда ху җинтав, асия ‎әллирини иттипақлиққа чақирип, "җоңгониң тәрәққият йоли тинчлиқ , көп тәрәплимилик вә ‎һәмкарлиқ," дәп тәкитлиди.‎

‎ У мундақ дәйду: "җоңгониң тәрәққияти һечнәрсигә тосалғу болмайду, һечкимгә ‎зиян салмайду. Әксинчә тинчлиқ , муқимлиқ вә йәр шариниң гүллинишигә пайдилиқ." ‎

Әмма ху җинтав, нутуқида америкиниң йәр шаридики йитәкчилик орниға қарши хитайниң ‎тәңпуңлаштурғучи рол ойнаш ғәризи барлиқидин бишарәт бәрди. У, " җоңго көп ‎қутуплишиш, йәр шарилишиш вә дуняда адил сияси- иқтисади сестима қурушни актип илгири ‎сүриду," дәйду. Ху җинтав, "җоңгодики зор өзгүрүшләр җоңгониң вәзийитини асас ‎қилған тәрәққият йолиға маңғанлиқимиз билән мунасивәтлик," дәп тәкитлигән. ‎

Хитайниң йеқинқи йиллардики иқтисади - сияси тәрәққияти униң асиядики хошнилирини ‎болупму вейтнамни җидди әндишигә салмақта иди. Вейтнам, 1979 - йилдики чегра ‎тоқунушида хитай қораллиқ қисимлириниң һуҗумиға учриған. Хитай қораллиқ күчлири ‎вейтнам пайтәхти ханойниң босуғисиғичә бесим кәлгән иди.‎

‎ Ху җинтав һазирға қәдәр вейтнам парламентида сөз қилған 3 - чәтәл дөләт рәһбири ‎болуп һесаблиниду. (Әркин)‎

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.