Ху җинтав афридики зияритини ахирлаштурди


2006.04.28

Дуняниң әң намрат, лекин тәбий байлиқи әң мол қитәсини зиярәт қиливатқан җоңго рәиси ху җинтав, җүмә күни найробида кенийә билән нефит -енергийә келишими имзалап, җоңго һөкүмити "башқиларниң ички ишлириға арлашмаслиқи сиясити" бойичә маңидиғанлиқини билдүрди. Бу ху җинтавниң буниңдин 3 йил илгири һакимийәтни өткүзүвалғандин бери африқа әллирини 2- қетим зиярәт қилиши болуп һесаблиниду.

Африқа ахирқи 5 йил ичидә хитай маллирини експорт қилидиған муһим базар болуп қалди вә икки тәрәпниң 2005 - йилдики сода һәҗими 40 милярд долларға йәтти. Хитайниң африқидики паалийитини тәнқид қилғучилар, мәзкур коммунистик дөләтниң африқидики иқтисади тәсир күчи зорийиватқанлиқини вә бу дөләтниң зимбабувигә охшаш истибдат әлләрни, дарфур районида "етник тазилаш" елип барди, дәп әйипләнгән суданға охшаш дөләтләрни қоллаватқанлиқини әйиблимәктә.

Ху җинтав җүмә күни кенийә президенти мвай кебаки билән өткүзгән мухбирларни күтүвелиш йиғинида " бизниң африқа әллири билән болған алақимиз африқа әллириниң сияси модилиға һөрмәт қилиш принсипи бойичә елип беримақта," деди.

Кинийә һөкүмитиниң ичидики юқири дәриҗилик әмәлдарлириниң хиянәтчилик мәсилисини бир тәрәп қилиш бесимиға дуч келиватқан президент мвай кебаки, җоңго билән йеқинлишишкә рази болған. У, " африниң җоңго билән сода қилишиға һечқандақ тосалғу йоқ," дәйду.

Ху җинтав кинийигә пәйшәнбә күни кәч саәтләрдә кәлди. Униң бу йәрдә 3 күн давам қилидиған зиярити америка, сәуди әрәбистан, маракәш, негирийә қатарлиқ әлләрдә елип барған вә "стратегийилик шерик" тепиш йолидики бу сәпириниң ахирқи бекитидур. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.