Xu jintaw générallarni östürdi


2006.06.25
Share on WhatsApp
Share on WhatsApp

Xu jintaw jang zéminning qolidiki herbiy hoquqni tapshuruwélip, xitay herbiy ishlar komitétining re'islikige békitilgendin bir yil ötkendin kéyin tunji qétim 10 neper ademge xitay armiyisining eng yuqiri derijilik herbiy unwani- général polkownikliq unwani berdi.

Xitayning shinxu'a agéntliqining uchuridin melum bolushiche, xu jintaw herbiy unwan bérilgen yuqiri derijilik générallarni özi biwasite qobul qilghan hem guwahnamini tapshurghan.

Hazir xitay azadliq armiyisining 164 neper général polkowniki bar bolup, 1988-yili herbiy unwan bérish eslige keltürülgendin kéyin yuqiri derijilik générallar üch derijige yeni general pokownik, général léytinant we général mayorgha bölün'gen shuningdek général polkowniklar birinchi derijilik général polkownik hem général polkownik dep ayrilghan bolsimu, kéyin bu emeldin qaldurulghan.

Xitay armiyisi tunji qétim 1955-yili herbiy unwan tüzümini yolgha qoyup, maw zédung 10 ademge marshalliq, 10 ademge general armiye unwanini bergen idi. Ene shu chaghda sabiq sherqiy türkistan jumhuriyitining milliy armiyisining polkownikliridin zunun téyipop, memet imin iminop, mayor zahir sawdanop, polkownik merghup is'haqop qatarliqlargha général mayorluq unwani, herbiy ishtin xewiri yoq dep qaralghan seyfiddin ezizge ulardin bir derije yuqiri général léytinatliq unwani bérilgen idi.

Yéqinqi yillarda yene qurban ershidin qatarliq bir qanche Uyghurgha töwen derijilik général mayorluq unwani bérilgen bolup, bu Uyghur généralliri xitay armiyiside peqet, diwiziye komandiri hem mu'awin qomandanliq we mu'awin siyasiy komissarliq wezipilirini aqturghan.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet