خۇجىنتاۋ خىتايدا خەلقنىڭ داۋالىش چىقىمىنى ھۆكۈمەت كۆتۈرىدىغان تۈزۈم تىكلەشنى تەكىتلىگەن


2006.10.25
Share on WhatsApp
Share on WhatsApp

شىنخۇا ئاگېنتلىقىنىڭ خەۋىرىدىن مەلۇم بولۇشىچە، خىتاي رەئىسى خۇجىنتاۋ 25 ‏- ئۆكتەبىر كۈنى بازار ئىگىلىكى سىياسىتىدە، دېڭ شاۋپىڭغا ئوخشىمايدىغان سىياسەت قوللۇنىدىغانلىقىنى ئىپادىلىگەن. ئۇ مەركىزى كومىتېتنىڭ ئۈگۈنۈش يىغىنىدا قىلغان سۆزىدە 'خەلقنىڭ سالامەتلىكىنى ساقلاش ئىناق جەمئىيەت قۇرۇشنىڭ نىشانىسى. ھۆكۈمەت شەھەر-يېزا ئاھالىلىرىنىڭ داۋالىنىشىغا كاپالەتلىك قىلىدىغان تۈزۈم تىكلەپ، ئاممىنى بىخەتەر، ئۈنۈملىك، قولايلىق ۋە ئەرزان داۋالاش مۇلازىمىتى بىلەن تەمىنلەش لازم' دېگەن.

خىتاي ساقلىقىنى ساقلاش مىنىسىتىرلىكىنىڭ بايان قىلىشىچە، خىتايدا شەھەر ئاھالىلىرى 20% نى تەشكىل قىلىدۇ، نۇپۇسنىڭ قالغان 80% ى پۈتۈنلەي يېزا ئاھالىسى. خىتايدا 1980 ‏- يىللاردا بازار ئىگىلكى سىياسىتى يولغا قويۇلغاندىن باشلاپ، داۋالاش مۇلازىمىتى ۋە دورا بۇيۇملىرىنىڭ سۈپىتى ناچار، باھاسى قىممەت بولۇپ كەلمەكتە. بۇنىڭغا خەلق ئىزچىل نارازى نارازى بولۇپ كېلىۋاتىدۇ. يېزىلاردا 3 تەن بىر قىسىم ئادەم داۋالاش پۇلىنى تۆلەش ئىقىتىدارىغا ئىگە ئەمەس. شۇڭلاشقا خەلق داۋالىنالماي، ھەتتا دوختۇرخانىلارنىڭ ئىشىكىدىن كىرەلمەي ئۆلۈپ كېتىدىغان ھادىسىلە كۈپ يۈز بېرىپ كەلمەكتە. (ۋەلى)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت