Ху җинтав өзиниң сиясий асасини күчәйтиш үчүн җиддий тәдбир қолланмақта


2006.12.06
Share on WhatsApp
Share on WhatsApp

Ройтрс агентлиқиниң 6 ‏- декабир күни бейҗиңдин хәвәр қилишичә, ху җинтав йеқинда тибәтниң муавин секритари ху чунхуани бейҗиңға йөткәп келип, мәркизи яшлар иттипақиниң баш секритарлиқиға бәлгилигән.

Ху чунхуаниң тәрҗимиһалиға қариғанда, бу әрбаб 1983 ‏- йили тибәткә келип хизмәткә киргән. У ласа шәһиридики мәлум бир дөләт игиликидики меһманханида ишләп йүрүп, 83 ‏- йилидин 87 ‏- йилиғичә шу меһманханиниң модирлиқиға бәлгиләнгән; 2003 ‏- йили у тосаттинла тибәт аптоном районлуқ парткомниң муавин секритарлиқиға бәлгиләнгән.

Хәвәрдә баян қилинишичә, хитайдики бәзи мулаһизичиләр буни 'ху җинтав йеқинда өзиниң чиш - тирнақлиридин бирини мәркизи яшлар иттипақиға йөткәп кәлди. Уйғур аптоном райониғиму өзиниң ху фамилилик йеқинидин бирни киргүзди. У һазир 2007 ‏- йили ечилидиған коммунстик партийиниң 17 ‏- қурултейидин бурун, өзиниң сиясий асаси болған мәркизи яшлар ититпақини күчәйтиш үчүн җиддий һәрикәт қилмақта. Ду чиңлин, ли кечяң қатарлиқ әрбабларниң қайта-қайта вәзипигә тәйинлиниватқанлиқиму, ху җинтавниң өзиниң сиясий асасини күчәйтиш пиланиниң бир қисми' дәп қаримақта. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.