Ху җинтав пүтүн йәр шари буйичә 4 ‏- чоң мүстәбит дәп аталди


2007.02.15
Share on WhatsApp
Share on WhatsApp

Америкиниң "көзитиш" мәҗмуәси, пәйшәнбә күни дунядики 10 чоң мустәбит һәққидә тохтулуп, уларниң биринчиси, судан рәһбири өмәр әл башир, иккинчиси, шималий корийә рәиси кимюңил, үчинчиси, иранниң диний рәһбири һумәйний, төтинчи орунда туридиған мүстәбитниң болса, хитай дөләт рәиси ху җинтав икәнликини көрсәтти.

" Көзитиш " мәҗмуәси йәнә, пүтүн йәр шари буйичә 70 дөләтниң мүстәбитләр тәрипидин идарә қилинип келиватқанлиқини тәкитлигән.

Хитай дөләт рәиси ху җинтавниң төтинчи орундики мүстәбит дәп атилишидики асаслиқ сәвәб, хитайниң кишилик һоқуқ дәпсәндичилик хатириси болуп, хитайда мәһбусларни өлүм җазаси билән җазалаш, пиланлиқ туғут, әмгәк билән өзгәртиш, диний әркинликни боғуш, сөз вә мәтбуат әркинликини чәкләш қатарлиқ 22 хил тәрәптин кишиләрниң һәқ - һоқуқи еғир дәриҗидә аяқ асти қилинмақта.

Чәтәлләрдә паалийәт елип бериватқан уйғур тәшкилатлири, нөвәттә уйғурларниң әң ечинишлиқ бир вәзийәтни бешидин өткүзиватқанлиқини, болупму хитай даирилириниң уларға қарита милләтни йоқ қилиш сиясити йүргүзүватқанлиқини, юқирида тилға елинған 22 хил һәқ - һоқуқ дәпсәндичиликиниң асаслиқ улар үстидин елип берилватқанлиқини тәкитлимәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.