Xu jintaw xong kongning 10 yilliqi murasimigha qatnashmaqchi


2007.03.11

Texminen bir esir en'giliye tewelikide bolghan xongkongning xitay kontrolluqigha ötkenlikige bu yil 10 yil toshti. Xewerlerdin qarighanda, xongkongning xitay qoynigha qaytip kelgenlikining 10 yilliqini xatirilesh daghdughiliq murasimigha xitayning aliy derijilik rehberliridin xu jintaw, wén jabaw hem zéng chingxong qatarliqlar qatnishidiken.

B b s agéntliqining uchuridin qarighanda, xu jintaw bu yil 6-ayning 28-kuni xongkonggha yétip kélip, 1-iyul küni xongkongning yéngi walisi we memuriyitining qesem bérip wezipige teyinlinish murasimigha qatnishidiken hemde xong kong puqralirini yoqlaydiken. U xongkongda texminen 4 kün etrapida bolidiken.

B b s agéntliqining uchuridin qarighanda, xongkongdiki démokratik tereqqiyatini telep qilidighan démokratik teshkilat we guruppilar her yili 1-iyul küni ötküzidighan namayishini bu yilmu oxshashla élip baridighanliqini, bu arqiliq xu jintawning özlirining awazlirini chüshinishini ümid qilidiganliqini bildürgen.

Xongkongdiki démokratik teshkilatlar 2003-yili birinchi iyul küni 500 ming kishilik namayish uyushturghan bolup, xitayning dölet bixeterlik qanunidiki bezi maddilargha hemde saris késilige munasiwetlik natoghra hel qilish tedbirlirige naraziliq bildürgen idi. Xongkongdiki démokratik teshkilat da'im namayish uyushuturup, xitayni démokratiyilishishke chaqirip, xongkongdiki démokratiyige qarshi qilmishlarni tend qilishni dawamlashturup kelmekte.

Tunji qétim 1997-yili 1-iyulda xitay re'isi jang zémin we bash ministir li péng xongkonggha kélip, en'gliyning xongkongning igilik hoquqini tapshurush hemde yéngi xongkong walisi we memuriyitining wezipe tapshuruwélish murasimigha qatnashqan idi.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.