Xu jintawgha chenlung ghojamning jini chaplishiptu


2006.04.12
Share on WhatsApp
Share on WhatsApp

Xujitawning amérika sepiri mulahizilerni qozghimaqta

Xitayning dölet re'isi xu jintaw yéqinda 5 döletni ziyaret qilidu. Uning tunji sepiri amérika. Uningdin kéyin, xu jintaw se'udi erebistani, marakesh, nigiriye, we kéniyni ziyaret qilidu. Hazir re'is xu jintawning 5 dölet ziyariti bashlinish aldida turghanda, xel'arada herxil uchur wastiliri xu jintawning ziyariti heqqide mulahiziler élan qilshqa bashlidi. Shu qatarda, 'xitay kommunistik partiyisi merkizi komitétining teshwiqat ministirliqigha ot yaqayli' dégen obzorni yézip élan qilghanliqi üchün béjing uniwérsitétining proféssorluqidin élip tashlan'ghan, hazir béyjingda turuwatqan erkin mulahizichi jyaw gobyaw ependi xitay re'isi xu jintaw heqqide bir obzor yézip 'yéngi esir zhurnili'ning 4 ayning 10 ‏- künidiki sanida élan qildi.

Chenlung waqtiki ishlar

Jyaw gobyaw ependi"xu jintawgha chenlung ghojamning jini chaplishiptu' dégen obzorini mundaq bashlaydu: kitablarda rawayet qilinishiche, ching sulalisining chenlung padishasi dewride, gherb döletliridin xitay bilen soda qilish üchün elchi kelse, tijaret dégen gerche her ikki terepke payda yetküzidighan ish bolsimu, emma elchiler chenlung ghojamgha tazim qilmisa, uni xitay bilen tijaret qilghuzmaydiken. Chenlung ghojam 'xitayda bizge héchnime kam emes, séning manga hajiting chüshkendikin, sen manga tazim qilishing kérek' deydiken. Shu zamanda, gerche béyjingdiki qizil tamliq ordining sirtida acharchiliq yüz birip, chachqanlar xish ghajilashqa, itlar bir-birini talap yéyishke, ademlermu biri- birini chayniwitishke yüzlen'gen bolsimu, emma béyjingdiki qizil ordining ichide rastinla héchnime kam emes idi. Mining éniqlishimche, ‏-‏- deydu jyaw gobyaw ependi, ‏-‏-‏- shu zamanda béyjingdiki qizil ordining ichi bayashatchiliq idi. Eger ordida ashliq kamlisa, emeldarlar puqralarni tutup yep kétiwiretti. Xitayda adem köp, ular üchün tügimes ozuq bar . Xitaydiki 40 milyon adem, ordidiki emeldarlarning yéyishige az dégende 40 ming kün yitetti. 'Chenlung ghojamning qosiqi toq, xelq bilen kari yoq' dégen gep shu chaghda chiqqan.

Xujitawning pozitsiysidiki oxshashliqlar

Mining közitishimche, ‏-‏-‏- deydu jyaw gobyaw ependi maqaliside , ‏-‏-‏-‏- re'is xu jintawning 'eger yaponiye rehberliri yasukuni buzrukgahini ziyaret qilishni toxtatmisa, biz ular bilen yuqiri derijilik söhbet élip barmaymiz' déginidin qarighanda, shundaqla xu jintawning yene teywen rehberliri 'bir junggo' démise, dalay lama we bashqilar 'musteqilliq' dégenni tashlimisa, biz ular bilen sözleshmeymiz, uchrashmaymiz, wahakaza dewatqinidin qarighanda, zamanimizdiki xitay re'isi xu jintawgha burunqi zamandiki chenlung ghojamning jini chaplishiptu. Éytishlargha qarighanda, ‏-‏- deydu jaw gobyaw ependi, ‏-‏-‏- chenlung ghojam shu zamanda 'eger biz en'giliyiliklerge chay sétip bermisek, ular chay ichmey semirip kétip ölüp tügeydu' dégen gépide ching turuwalghan iken.

Hazirqi junggo hökümitining burunqi xitay sulalilirige oxshash ish tutishi

Mining qarishimche, ‏-‏- deydu jyaw gobyaw ependi, ‏-‏-‏- eger yaponiye terep xitay hökümiti bir partiyining mustebit tüzümini özgertmise, uning bilen söhbet ötküzmeymiz, dep shert qoyghan bolsa, xu jintaw uninggha köje köydürüp tazim qilip, heshqalla dése toghra bolatti. Chünki yaponiye rehberliri xelq awaz birip saylam chiqqan kishiler, ular xu jintawdek yalghan -nachar mal emes. Xu jintaw rastinla hazir xuddi xitay réwayetliridiki 'özini chaghlimay shilting atidighan sheytan'gha oxshap qalghan, ‏-‏-‏- deydu jyaw gobyaw ependi, ‏-‏-‏-‏ men 3 ‏- ayda yaponiyini ziyaret qilghanda, yaponiyining bir emeldari mendin "silerning junggo rehberliride burunqi 'büyük jungxu'a tekebburliqi' téxiche barmu qandaq? " dep soridi. U tarixtiki xitay sulalirining etraptiki döletlerge zorawanliq qilghan, ularni tartuq birishke mejburlighan 'xitay tekebburliqi'ni dewatatqanliqini chüshinimen. Derweqe, tarixta xitay sulalilirining etraptiki döletlerge qilghan eskiliki az emes. Zamanimizdiki xitay hökümitimu, xuddi burunqi ghojamlardek, hazirqi yaponiyige yasukuni buzrukgahini ziyaret qilmasliq kérek dégendek shertni qoyghachqa, yaponiye rehberliri bu jehette xitaygha bolghan qarshiliqini ipadilesh üchün bolsimu, yasukunigha tawap qilishni toxtatmighan, ‏-‏-‏- dep mulahizisini dawamlashturidu jaw gobyaw ependi, ‏-‏-‏- shuni bilishi kérekki, hazir sherqiy asiyada, xu jintaw özi hemme adem chuqunidighan but emes. Yaponiyimu shu zamandiki but béshini qaturalaydighan maymun emes. Xu jintaw gerche hazir xitayda xelqining béshigha mushliyalighan bilen, yapon xelqining we yaki bashqilarning béshigha tak itip chikimen dep oylimisun. Yaponiye tarixta chirip ketken ching sulalisini yenjip tashlighan dölet. Kéyinmu, chirip ketken min'go hökümitinimu meghlup qilghan . Chirip ketken hökümet haman ajiz bolidu.

Xujintawning bu xil yaxshi ötmeslik pozitsiysi yaman aqiwet élip kilishi mumkin

En'giliyiliklerde 'yawa kala yiqilsa, terep -tereptin qolida palta- qingraq tutqan kishiler kélidu' deydighan bir temsil bar, ‏-‏-‏- dep mulahizisini dawamlashturidu jyaw gobyaw ependi, ‏-‏-‏- eger xu jintaw qoshna döletler bilen yaxshi ötmey, xuddi chenlung ghojamni dorap qamlashmighan shertlerni qoyup, özige ita'et qildurimen dése, etraptiki döletlerning hemmisi biraqla ghezepke kélip mush atqili tursa, xitay mush yep chishliri tükülüp bolghanda andin hushini tépishi mumkin. ‏-‏-‏-Deydu jyaw gobyaw ependi, ‏-‏-‏- xu jintaw hazirche shuni éniq bilishi kérekki, yaponiye xitaygha qaram dölet emes, chén shuybyen, dalay lama we bashqilarmu xitayning hamiysi emes. Béyjingdiki besh yultuzluq mihmanxanilarning hemmisi xujintawningla emes, ular xitaygha xu jintawdin sorimaymu kéleleydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.