Xitay dölet re'isi xu jintaw, xitayda démokratiye we démokratik saylam yolgha qa'oyushqa chaqirdi


2006.07.03
Share on WhatsApp
Share on WhatsApp

Xitay dölet re'isi xu jintaw xitay kommonist partiyisining qurulghanliqining 85 yili'iqining harpisida bergen bayanatida, xitayda démokratiyini tereqqiy qildurup, démokratik saylam élip bérishqa chaqirdi.

Shinxu'a agéntliqining xewer qilishiche, xu jintaw bu sözlerni 29‏- iyun küni xitay kompartiyisi merkizi komitétining yéghinida bergen bayanatida sözligen. Xujintaw bayanatida, biz ilghar we mukemmel bir démokratik si'istéme qurup chiqip, qanunlargha muwapiq halda démokratik saylamlar élip bérilishigha kapaletlik qilishimiz kérek, dégen.

Sözide, démokratiyining " hakimiyet béshidiki bir marksst partyining asasliq telibi ikenlikini tekitligen xitay dölet re'isi xu jintaw, partiye ichiki démokratiyini kéngeytishke chaqirdi.

Siyasiy mulahizichiler, özining siyasiy ornini mustehkemlesh üchün tirishiwatqan xu jintaw ning, ötken bir nechche hepte ichide chiriklikke arilashqan nechchiligen partiye bashliqlirini wezipisidin élip tashlap, xitay armiyiside toqquz aliy derijilik géniralning mensipini üstürgendin kéyin xitayda démokratiyini tereqqiy qildurush we démokratik saylam ötküzüsh toghrisida bergenlikige diqqet tartmaqta.

Ularning éytishiche, 2002‏- yili xitay kompartiyisining rehberlikige saylinip 2003‏- yili dölet re'isi wezipisini tapshuruwalghan xu jintaw hakimiyettiki ornini kücheytkendin kéyin, emdi özining siyasiy pilanlirini emelge ashurushqa tirishmaqta. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet