Xujintawning hindistan ziyaritining üchinchi künide

'B b s' ning xewer qilishiche, xujintaw 4 künlük hinidistan ziyaritining 3 ‏- künide, yeni 22 ‏- noyabir küni, hinidistanning pen -ilim sariyini ziyaret qilghan. Xujintaw hindistan pen-ilim sariyida qilghan sözide, gerche xitayning hinidistanni muhasirige élish niyiti yoqliqini, hinidstanning tereqqiyatigha hergiz tosalghu bolmaydighanliqi bayan qilish arqiliq, yéngi déhli hökümitini xatirjem qilishqa tirishqan bolsimu, emma bügün'ge qeder xitay -hinidstan chégra söhbitide téxi héchqandaq ilgirilesh hasil qilinmighan. Yéngi déhli hökümiti béyjing hökümitini 'hinidistanning keshmirdiki 38 ming kwadrat kilométir ziminini igelliwalghan' dégen sözidin yanmighan. Béyjing hökümitimu yéngi déhli hökümitini 'xitayning arunachal pradéshtiki 90 ming kwadrad métir ziminini igelliwalghan' dégen sözidin yanmighan.

Xewerde bayan qlinishiche, xitay-hinidstan otturisida gerche chégra mesilisi yenila qatmal halette tursimu, emma xitay -hinidstan otturisidiki soda miqtari buyil 20 milyard amérika dollirigha yetken. Ular yene 2010 ‏- yilighiche 40 milyard amérika dollirigha yetküzüshni nishanlimaqta.

Xewerde bayan qilinishiche, xujintaw 23 ‏- noyabir küni islam'abad qa bérip pakistanni ziyaret qilishqa bashlaydu. Xitay mesililirini tetqiq qiliwatqan mutexessislerning perez qilishiche, xujintaw amérika -hinidistan otturisida buyil 3 ‏- ayda tüzülgen yadro téxnikisidin ortaq paydilinish kélishimige taqabil turush üchün, bu qétim pakistan bilen xitay- pakistan yadroluq inirgiye hemkarliq kélishimini muzakire qilidu. (Weli)