Җоңгу һөкүмәт рәиси хуҗинтав кишилик һоқуқ мәсилиси үстидә бесимға дуч кәлмәктә
2006.10.03
53 Нәпәр чәтәллик кишилик һоқуқ паалийәтчиси, адвокат вә акадимиклар бирликтә хитай дөләт рәиси ху җинтавға очуқ хәт йезип,униңдин хитайда күнсери начарлишип кетиватқан кишилик һоқуқ вәзийитини дәрһал яхшилиши керәкликини тәләп қилди.
Мәзкур очуқ хәт сәйшәнбә күни америкидики кишилик һоқуқ көзитиш тәшкилатиға тапшуруп берилгән. Мәзкур тәшкилат хитай дөләт рәиси хуҗинтавни хитайдики өктичи вә инсан һоқуқ паалийәтчилирини қоғдашқа үндимәктә.
Хитай дөләт рәиси хуҗинтавға йезилған бу очуқ хәттә, хәлқара җәмийәтниң хитайдики кишилик һоқуқ мәсилисигә интайин көңүл болидиғанлиқи вә шундақла хитайниң юқири дәриҗилик рәһбәрлириниң мәзкур дөләттики кишилик һоқуқ мәсилисини тоғра бир тәрәп қилмиса болмайдиған һаләткә йәткәнлики алаһидә тәкитләнгән .
Чәтәллик кишилик һоқуқ паалийәтчилири, адвокат вә академиклар тәрипидин йезилған бу очуқ хәттә йәнә, хитайдики кишилик һоқуқ паалийәтчилири гав җичиң, чин гуаңчин , җав йән вә ху җя қатарлиқларниң сақчилар тәрипидин тутқун қилинип, та һазирғичә из-дерәксиз икәнлики көрситилип, хитай һөкүмитиниң уларни дәрһал қоюп бериши керәклики тәләп қилинған. Мәзкур очуқ хәттә йәнә, хитайдики әдлийә қануниниң адил әмәслики алаһидә көрситилгән болуп, униңға тездин түзитиш киргүзүш керәклики тәкитләнгән.
Мунасивәтлик мақалилар
- Дөләт байрими һарписида бейҗиңда қолға елиш һадислири йүз бәрмәктә
- явропа комитети хитайға уйғурларниң вәзийитидин "қаттиқ әнсирәватқанлиқини" билдүргән
- Җоңго кишилик һоқуқи тәшкилати хитайниң қанунчилиқи кәйнигә чекинмәктә, дәп әйиблиди
- Адвокатлар кишилик һоқуқи паалийәтчи қарғу чең гуаңчиңниң сотини байқут қилди
- Кишилик һоқуқ тәшкилати шаңхәй һәмкарлиқ тәшкилатини кишилик һоқуққа һөрмәт қилишқа чақирди
Көп көрүлгән хәвәрләр
RFA
- Истанбулда уйғур таамлири мусабиқиси өткүзүлди
- Американиң “уйғур мәҗбурий әмгикиниң алдини елиш қануни” хитайни қанчилик дәриҗидә “биарам” қиливатиду?
- “йеңи һаят” гезитидә немә дәйду?: мәһмут муһитиға қилинған суйиқәстниң алди-кәйнидә
- “уйғур” намини өзгәртиш немигә зөрүр болуп қалди?
- Аилә әзалири ғайиб қиливетилгән уйғурлар хәлқараниң хитайға техиму күчлүк бесим қилишини тәләп қилмақта