Xu jingtaw se'udi erebistanni ziyaret qilidu


2006.04.11

Xitay tashqiy ishlar ministirliqi xitay dölet re'isi xu jintawning 18 - aprildin 21 - aprilghiche amérikida élip baridighan ziyaritini axirlashturupla se'udi erebistanni ziyaret qilidighanliqini élan qildi.

Xitay tashqiy ishlar ministirliqi bayanatchisi lyu jyenchawning seyshenbe künidiki muxbirlarni kütüwélish yighinida eskertishiche, xu jintawning ziyariti 22- aprildin 24 - aprilghiche dawamlishidiken. U, "méningche énérgiye hemkarliq bizning hemkarliqimizdiki muhim sahe, lékin birdin ‏- bir sahe emes " deydu. Xitay amérikidin qalsa dunya boyiche 2 - chong néfit istimal qilghuchi dölet bolup, u ötken yili 130 milyon tonna xam néfit import qilghan. Buning 20 milyon tonnisini se'udi erebistandin sétiwaldi. Se'udi erebistan padishahi abdulla bu yil 1 - ayda tunji qétim xitayni ziyaret qilip, xitay bilen néfit, teb'iy gaz we méniral maddilar zapisi boyiche bir qatar kélishimler imzalighan.

Fransiye axbarat agéntliqi se'udi erebistanliq iqtisadshunaslarning " siyasiy jughrapiyilik nüqtidin alghanda, se'udi erebistan islam dunyasi, ereb döletliri we paris qoltuqi rayonida tesiri chong dölet", bu béyjing üchün muhim ehmiyetke ige, dep qaraydighanliqini xewer qildi. Lékin shuning bilen birge "se'udi erebistan köp tereplerde xitaygha éhtiyaji bar dölet " dep qaralmaqta. Közetküchilerning eskertishiche, xitay hökümiti se'udi erebistandiki Uyghurlarni sherqiy türkistan teshkilatlirini pul bilen teminleydighan muhim menbe, dep qaraydu we se'udi da'irilirining buni chekleydighan tedbir élishini ümid qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.