Хитай шәһванийлиққа қарши туруш дегән нам билән кишилик һоқуқни дәпсәндә қиливатиду

2008-01-23
Елхәт
Пикир
Share
Принт

Хитайда интернеткә киридиған адәм сани һазир 137 милйонға йәтти, бу хитайдики омум нопус саниниң 10% ни тәшкил қилиду. Бундақ көп тор әһли ичидә һазир әркин пикир вә әркин мулаһизиләр әвҗ елишқа башлиған иди. Бирләшмә агентлиқиниң 1 ‏- айниң 23 ‏- күни бейҗиңдин хәвәр қилишичә, хитай коммунист һөкүмити өткән йилиниң ахирида 'шәһванийлиққа зәрбә бериш һәрикити' қозғиғандин буян һазирға қәдәр, хәлқ ичидики интернет тор бәтлиридин 44 миңини тақиған, 800 дин артуқ адәмни қолға алған вә 2000 дин артуқ адәмни җазалиған.

Шаңхәй универиситетиниң профессори җу шөчиң әпәнди б б с ниң зияритини қобул қилғанда ашкарилишичә, хитайда һазир шәһванийлиқ еғир дәриҗидә ямрап кәткән, һөкүмәт буниңға қарита теги-тәктидин түзитидиған чарә қолланмай, бәлки йүзәки чарә қоллинип кәлмәктә. Әмма 'шәһванийлиқ' дегәнни баһанә қилип, сиясий җәһәттә сәзгүр китаблар-журналларни тазилимақта, һәтта 'шәһванийлиқ' дегәнни баһанә қилип нопус сани аз милләтләргә зәрбә бәрмәктә. Униң қаришичә, коммунист һөкүмитиниң бу һәрикити әмәлийәттә 'шәһванийлиққа қарши туруш' дегән нам астида дөләт пуқралириниң қанунда бәлгиләнгән пикир баян қилиш һоқуқи вә нәшрият һоқуқини дәпсәндә қилғанлиқ.

Төвәндики улиништин, мухбиримиз вәлиниң бу һәқтики мәлуматини аңлайсиз.

Пикирләр (0)
Share
Толуқ бәт