Хәлқара кишилик һоқуқни көзитиш тәшкилати хитайниң кишилик һоқуқни тизликтә яхшилишини тәләп қилди


2008.02.07

Мәркизи лондондики хәлқара кишилик һоқуқни көзитиш тәшкилатиниң америка шөбиси, мәзкүр тәшкилат әзалири вә башқа кишилик һоқуқ паалийәтчилириниң келәр һәптә вашингтонға йиғилип, хитайдин бу йил 8 ‏- айда бейҗиңда олимпик мурасими өткүзүштин бурун, кишилик һоқуқ дәпсәндичиклирини қәтий тохтитишини тәләп қилидикән.

Хәлқара кишилик һоқуқни көзитиш тәшкилатиниң америка шөбиси чаршәнбә күни ахбарат елан қилип , 2 ‏- айниң 11 ‏- күни кишилик һоқуқ паалийәтчилириниң ақ сарай алдиға йиғилип, олимпик башлиништин бурун елип берилидиған паалийәт пиланиниң биринчи қәдимини башлайдиғанлиқини билдүрди.

Бу һәқтә елан қилинған ахбарат баянатида, хитайни кишилик һоқуқни яхшилашқа мәҗбур қилиш паалийитигә қатнишидиған паалийәтчиләрниң әң асаслиқ тәшәббуси, бу қетимқи олимпик мурасимиға қатнишидиған америка президенти җорҗ бушни, хитайниң кишилик һоқуқини яхшилаш үчүн тиришчанлиқ көрситишкә чақириштин ибарәт икән.

Хитай олимпик мурасимини өткүзүш һоқуқиға еришкән күндин етибарән, хәлқарадики барлиқ кишилик һоқуқ тәшкилатлириниң, кишилик һоқуқни яхшилаш һәққидики бесимиға дуч кәлмәктә.

© 2008 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.