Ikki yighin mezgilide öy, xizmet we ma'arip mesilisi amma eng köngül bölidighan mesililer iken


2006.02.28

Xitay shinxu'a torining xewer qilishiche, bu yil 3 ‏- ayning béshida béyjingda ötküzülidighan xelq qurultiyi we siyasiy kéngesh yighinliri harpisida, xitay jem'iyet tekshürüsh orgini xitayning 16 shehiride ikki yighinni chöridigen mezmunlarda puqralarning rayini sinash pa'aliyiti élip bardi.

Bultur 12 ‏- ayda bashlan'ghan, 2 ming kishi tekshürüshke qatnashqan mezkur ray sinash netijisidin qarighanda, ikki yighin mezgilide keng puqralar eng qiziqidighan mesililer ichide, turalghu öy mesilisi 75 % lik, ishsizliq mesilisi 61 % lik we ma'arip mesilisi 52 % lik bilet bilen muhim mesile dep qaralghan. Buningdin qalsa puqralarning dawalinish we jem'iyet barawerliki mesilisimu alahide orun tutqan.

Amma inkas qilghan we hel qilishqa tigishlik dep qaralghan mesililer ichide, bazar riqabiti tengsizlikidin shekillen'gen bay ‏- kembeghellik perqi, qanun sahesidiki qara kölenggiler, kishilerning öz hoquqini qoghdashta duch kéliwatqan tosqunluqlar, chiriklik, ma'arip, dawalinish hemde déhqanlar mesilisi qatarliqlar asasiy salmaqni igileydiken.

Amérikidiki xitay jem'iyetshonaslirining inkas qilishiche, amma inkas qilghan yuqiridiki mesililerning xelq qurultiyi hemde siyasiy kéngeshtek organlarning yighinida hel qilinishi mumkin emes bolup, bu mesililer jem'iyetning omumyüzlük naraziliqini qozghawatqan shundaqla muqimsizliqni peyda qiliwatqan mesililer hésablinidiken. (Iltebir)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.