Хитай америкидин яңю япрақчиси импорт қилишни тохтатти


2007-12-07
Share

Хитай америкиниң проктер гамблә (Procter & Gamble) ширкитиниң яңю япрақчилири тәркибидә чәкләнгән химийилик маддилар бар икәнликини билдүрүп импорт қилишни тохтатқанлиқини җакарлиди.

Мәлум болушичә, хитай тосуп қалған бу бир бөләк яңю япрақчилири тәркибидә хитайда чәкләнгән калий гидроксид маддиси байқалған болуп, әмма бу мадда америкида чәкләнмәйдикән.

Америка проктер гамблә (Procter & Gamble) ширкитиниң хитайдики баянатчиси хитай мал импорт қилғучиларни әйибләп, яңю тәркибидә бу маддиларниң болушиниң мәзкур ширкәт билән һечқандақ алақиси йоқлуғини билдүрди.

Йеқинқи айлардин буян хитайда ишлигән йемәк ‏- ичмәк вә оюнчуқ буюмлирида адәмгә зиянлиқ маддилар байқалғанлиқи үчүн, пүтүн дуня миқясида хитай маллириға нисбәтән бир хил агаһ болуш туйғуси шәкилләнгәндин кейин, хитайму өз алдиға чәтәлдин импорт қилинидиған мәһсулатлар устидин тәкшүрүш елип беришни күчәйткән иди.

Шуниң билән хитай бу йил июнда, америка P &G ширкитидин импорт қилинған 95 килограм яңю япрақчилирини тәркибидә калий гидроксид маддиси бар дәп тосуп қалған иди.

P &G Ширкитиниң хитайдики баянатчиси чарлез җаңниң ройтерс агентлиқиға билдүргәнлиригә қариғанда, бу нөвәт импорт қилинған мәһсулатлар мәзкур ширкәт тәкшүрүп бекиткән хитай ширкәтлири тәрипидин импорт қилинмиған икән.

У мундақ дегән "биз шуниңға капаләтлик қилалаймизки, мәһсулатлиримиз бихәтәр болуп, хитайниң бихәтәрлик өлчәмлиригә тошиду" . Чарлез җаң йәнә, өз ширкитиниң хитай импорт қилишни тохтатқан мәһсулатлар үстидин өз алдиға тәкшүрүш елип баридиғанлиқини қошумчә қилған. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт