Xitay amérikidin yangyu yapraqchisi import qilishni toxtatti


2007-12-07
Share

Xitay amérikining proktér gamble (Procter & Gamble) shirkitining yangyu yapraqchiliri terkibide cheklen'gen ximiyilik maddilar bar ikenlikini bildürüp import qilishni toxtatqanliqini jakarlidi.

Melum bolushiche, xitay tosup qalghan bu bir bölek yangyu yapraqchiliri terkibide xitayda cheklen'gen kaliy gidroksid maddisi bayqalghan bolup, emma bu madda amérikida cheklenmeydiken.

Amérika proktér gamble (Procter & Gamble) shirkitining xitaydiki bayanatchisi xitay mal import qilghuchilarni eyiblep, yangyu terkibide bu maddilarning bolushining mezkur shirket bilen héchqandaq alaqisi yoqlughini bildürdi.

Yéqinqi aylardin buyan xitayda ishligen yémek ‏- ichmek we oyunchuq buyumlirida ademge ziyanliq maddilar bayqalghanliqi üchün, pütün dunya miqyasida xitay mallirigha nisbeten bir xil agah bolush tuyghusi shekillen'gendin kéyin, xitaymu öz aldigha chet'eldin import qilinidighan mehsulatlar ustidin tekshürüsh élip bérishni kücheytken idi.

Shuning bilen xitay bu yil iyunda, amérika P &G shirkitidin import qilin'ghan 95 kilogram yangyu yapraqchilirini terkibide kaliy gidroksid maddisi bar dep tosup qalghan idi.

P &G Shirkitining xitaydiki bayanatchisi charléz jangning roytérs agéntliqigha bildürgenlirige qarighanda, bu nöwet import qilin'ghan mehsulatlar mezkur shirket tekshürüp békitken xitay shirketliri teripidin import qilinmighan iken.

U mundaq dégen "biz shuninggha kapaletlik qilalaymizki, mehsulatlirimiz bixeter bolup, xitayning bixeterlik ölchemlirige toshidu" . Charléz jang yene, öz shirkitining xitay import qilishni toxtatqan mehsulatlar üstidin öz aldigha tekshürüsh élip baridighanliqini qoshumche qilghan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet