Xitay "inaq jem'iyet" berpa qilalamdu ?


2006.04.25

Xitayda bay - kembeghellik perqining jiddiy kéngiyishi xitay da'irilirining 11 - besh yilliq pilan jeryanida emelge ashurmaqchi bolghan " inaq jem'iyet berpa qilish" pilanigha jiddiy tehdit salmaqta.

Shinjang radi'o istansisi bu heqtiki bir xewiride, xitayning kirim perqi dunyadiki kirim perqi derijisi otturahal döletlerdin éship ketkenliki we bu ehwalning " junggo hökümiti 11 - besh yilliq pilanda otturigha qoyghan ijtima'iy, iqtisadi tereqqiyat istiratégiyisi we inaq jem'iyet berpa qilish bilen mas kelmeydighanliqini" ilgiri sürdi.

Shinjang radi'o istansisining eskertishiche, kirim perqining kéngiyip kétishige "islahat, échiwétish we bazar igiliki siyasitini zor küch bilen tereqqi qildurush " we shuning bilen birge " puldarlar" ning meblegh sélish, bayliq yaritish qizghinliqi sewebchi bolmaqta. Xitay emgek we ijtima'iy kapalet ministirliqi élan qilghan bu heqtiki bir doklatida, bay- kembeghellik perqining normal chektin halqip ketkenlikini agahlandurghan idi.

Shinjang radi'o istansisining ilgiri sürüshiche, xitay hökümiti bu mesilini hel qilidighan bezi chare - tedibler üstide izdenmekte we mutexessisler ottura tebiqe sinipini kücheytish zörürlikini otturigha qoymaqta iken. Lékin bezi analizchilar , ottura tebiqe sinipini kücheytish netijiside xitayda démokratiye telipining tosiwalghili bolmaydighan bir éqimgha aylinidighanliqini bildürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.