Xitay amérikining tibet heqqidiki doklatigha qarshi chiqti


2005.04.24

Xitay hökümiti yekshenbe küni bayanat élan qilip, amérika tashqi ishlar ministirliqining tibet mesililiri heqqide mexsus doklat élan qilishini, xitayning ichki ishlirigha arilashqanliq dep eyiblidi.

Amérika tashqi ishlar ministirliqi 12 - april küni dölet mejlisige " tibet mesililiri söhbitining yilliq doklati" ni sun'ghan idi. Doklatta, prézidént bush we bashqa hökümetning yuqiri derijilik emeldarlirining ötkenki bir yildin buyan xitay rehberlirini dalay lama we uning wekilliri bilen söhbet ötküzüshke chaqirip kéliwatqanliqi körsitilgen.

Amérika terep doklatta yene, tibetning diniy dahisi dalay lamani " xitay üchün rayunluq we dölet ichidiki muqimsizliq mesilisini hel qilishta paydisi bar bir hemrah" dep teswirligen. Doklatta shundaqla, " eger xitay dalay lama bilen hemkarlashmay, tibet düch kéliwatqan mesililerni hel qilalmisa, bu, xitayning amérika we bashqa döletler bilen siyasiy we iqtisadiy jehettin omumyüzlük hemkarliq ornutushigha tosalghu bolidu" diyilgen.

Bu amérika tashqi ishlar ministirliqining tibet heqqide élan qilghan üchinchi yilliq doklati bolup hésablinidu. Mezkur doklat chet'eldiki tibetlerning qizghin alqishigha érishken.

Emma, xitay tashqi ishlar ministirliqining bayanatchisi chin yekshenbe künidiki bayanatida, amérikining bu doklatini " sözliri mes'uliyetsizlik bilen qilin'ghan" hemde " heqiqettin chetnigen" dep eyibligen. U yene amérika hökümitidin tibetning " musteqilliqini qollimasliqni" we tibet mesilisidin paydilinip, xitayning ichki ishlirigha arilashmasliqni telep qilghan. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.