Xitay amérika dölet mudapi'e ministirliqining doklatigha naraziliq bildürdi


2005.07.21
Share on WhatsApp
Share on WhatsApp

Amérika dölet mudapi'e ministirliqi charshenbe küni xitayning herbiy hazirliqlar ehwali toghrisida doklat élan qilip, xitayning asiya tinchliqigha tehdit séliwatqanliqini élan qilghandin kéyin, xitay hökümiti shu küni amérika hökümitige naraziliq bildürdi.

Xitayning naraziliqidin kéyin, amérika prézidént ishxanisi bayanat élan qilip, amérikining xitayni tehdit, dep qarimaydighanliqini jakarlidi. Aq sarayning bayanatchisi skot miklilan, " biz yenila bu rayonning tinchliqi we muqimliqini qoghlishimiz, emma bu bizning xitayni tehdit dewatqanliqimiz, dep qaralmasliqi kérek," dep körsetti. Emma miklilanning tekitlishiche, amérika xitayning herbiy zamaniwilashturush kölimi we qedimige diqqet qilmatiken.

Shu küni, amérika armiyisi shtap bashliqlar birleshmisining mu'awin re'isi pétir péyis, " dunyada urush qozghash iqtidarigha ige nurghun döletler bar, emma bu xil niyiti bar döletler köp emes," dep tekitlidi. U, " bizning xitayni urush qozghash niyiti bar dölet, dep qarishimiz üchün bir sewebimiz yoq," dep eskertken.

Shu küni xitayning mu'awin tashqi ishlar ministiri yang jyéchi, béyjingdiki amérika elchixanisining muweqqet wakaletchisini chaqirtip, amérika hökümitige étiraz bildürdi. Yang jyéchi, amérikini "jonggoning dölet mudapi'esini zamaniwilashturushigha asassiz hujum qilish" bilen eyibligen.

Yéqinda jonggo dölet mudapi'e uniwérsitétini'ing ilmiy mudiri général mayor ju chingxu, eger amérika teywen'ge arilashsa, yadro qorallar bilen zerbe bérishni otturigha qoyghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.