Xitay, néfit üchün xelq'ara kishilik hoquq ölchimige xilapliq qiliwatqanliqini ret qildi

Xitay tashqi ishlar ministirliki peyshenbe küni gherb elliri we kishilik hoquqi organlirining jonggo néfitke érishish üchün xelq'ara kishilik hoquqi ölchimige sel qarimaqta we xitay bilen néfit sodisi qiliwatqan kishilik hoquqi xatirisi nachar döletlerning kishilik hoquqni depsende qilishigha köz yummaqta, dégen tenqidini ret qildi. Lékin gherb metbu'atlirining ilgiri sürüshiche, xitayning bu döletler bilen bolghan soda - iqtisadi munasiwti xelq'ara jem'iyetning bu döletlerdiki kishilik hoquq ehwalini yaxshilash tirishchanliqigha ziyankeshlik qilghan.

Xitay tashqiy ishlar ministirliki bayanatchisi chin gang, peyshenbe künki axbarat élan qilish yighinida, "gherb elliridiki bezi kishilerning jonggo néfit menpe'etini xelq'ara kishilik hoquqi qimmet qarishining üstige qoydi, dégen eyiplishi pakit asasigha tayanmighan" deydu.

Chin gangning eskertishiche, junggoning bu döletler bilen normal soda - iqtisadi we néfit hemkarliqi élip barmaqta, iken. U , jonggoni gherb mustemlikichilirining kishilik hoquqi zorawanliqini sadir qilmaydu, dédi. Lékin közetküchiler, kishilik hoquqi nachar döletler bilen soda alaqisi xelq'ara ehdinamilargha xilap bolmisimu, lékin xitay bashqilarning ichki ishlirigha arlashmasliq prinsipi boyiche soda - iqtisadi pa'aliyiti élip barmaqta. Bu yuqiriqi döletlerni kishilik hoquqni izchil depsende qilishke ilhamlandurup keldi" deydu.

Közetküchilerning eskertishiche, xitay özbékistan da'irilirining ötken yili 5 - ayda enjandiki namayishni basturush herikitini qollighan we sudanning darfur rayonidiki " étnik tazilash," dep eyiblen'gen toqunushni axirlashturush üchün b d t xewpsizlik kéngishining sudan'gha imbargo qoyushini xalimighan. Bu ikki dölet xitay bilen néfit we tebiy gaz hemkarliqi chongqur döletler idi.

Chin gang, muxbirlarni kütüwélish yighinida "jonggo mes'uliyetchan dölet," dep tekitligen bolsimu, lékin u jonggoning némishke urush jinayiti sadir qilish bilen eyiblen'gen 4 neper sudan emeldarigha xewpsizlik kéngishining sayahet imbargosi qoyush qararini ret qilghanliqigha jawap bérishni xalimidi. (Erkin)