Хитай һөкүмити кәспий хадимларни яллап, интернеттики муназириләргә арилашмақта


2005.05.19
Share on WhatsApp
Share on WhatsApp

Хитай һөкүмити кәспий хадимларни яллап, интернеттә пикир баян қилдуруш арқилиқ, хәлқниң талаш- тартиштики мәсилиләр һәққидики пикир йөнүлүшини өзгәртишкә урунмақта.

Ройтирс ахбарат агентлиқиниң хәвиригә қариғанда, хитай һөкүмити хәлқниң интернеттә оттуриға қойған пикир йөнүлүшини өзгәртиш үчүн, мәхсус бир хизмәт гурупписи тәшкиллигән.

Хәвәрдә ейтилишичә, бу хизмәт гурупписи нөвәттә җяңсу өлкисиниң сочйән шәһиридә туруп мәшғулат елип бармақта икән. Уларниң вәзиписи ентирнет тор бәтлиридики чайхана вә яки учур тахтилирида хитай һөкүмитигә пайдисиз пикирләр оттуриға чиққанда, һөкүмәтни ақлаш икән.

Хәвәрдин мәлум болушичә, сочйән шәһәрлик партком тәшвиқат бөлүми, һөкүмәт хадимлириниң ичидин сиясәтни чүшинидиған һәмдә сиясий җәһәттин " ишәнчилик" болған кишиләрни таллап, бу хизмәткә қойған.

Нөвәттә хитайдики ентирнет қолланғучиларниң сани 100 милйондин ашқан болуп, сан җәһәттин дуняда иккинчи орунда туриду. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.