Xitay hökümiti kespiy xadimlarni yallap, intérnéttiki munazirilerge arilashmaqta


2005.05.19
Share on WhatsApp
Share on WhatsApp

Xitay hökümiti kespiy xadimlarni yallap, intérnétte pikir bayan qildurush arqiliq, xelqning talash- tartishtiki mesililer heqqidiki pikir yönülüshini özgertishke urunmaqta.

Roytirs axbarat agéntliqining xewirige qarighanda, xitay hökümiti xelqning intérnétte otturigha qoyghan pikir yönülüshini özgertish üchün, mexsus bir xizmet guruppisi teshkilligen.

Xewerde éytilishiche, bu xizmet guruppisi nöwette jyangsu ölkisining sochyen shehiride turup meshghulat élip barmaqta iken. Ularning wezipisi éntirnét tor betliridiki chayxana we yaki uchur taxtilirida xitay hökümitige paydisiz pikirler otturigha chiqqanda, hökümetni aqlash iken.

Xewerdin melum bolushiche, sochyen sheherlik partkom teshwiqat bölümi, hökümet xadimlirining ichidin siyasetni chüshinidighan hemde siyasiy jehettin " ishenchilik" bolghan kishilerni tallap, bu xizmetke qoyghan.

Nöwette xitaydiki éntirnét qollan'ghuchilarning sani 100 milyondin ashqan bolup, san jehettin dunyada ikkinchi orunda turidu. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.