Yahoo Béyjingning öktichi muxbirni tutushigha yardemleshti dep eyiblendi


2005.09.07

Bash shtabi fransiyidiki chégrisiz muxbirlar teshkilati charshenbe küni bayanat élan qilip, amérikidiki Yahoo'intérnét shirkitining, xitayni uchur bilen teminlep, intérnétte xitay hökümitining metbu'atlarni kontrol qilishini tenqid qilghan bir muxbirning tutulushigha yol achqanliqini bildürdi.

Mezkur teshkilat bayanatida bildürishiche, muxbir shitaw bu yil 4 - ayda xitay hökümiti teripidin "chet'elge dölet mexpiyetlikini ashkarilash" jinayiti bilen eyiblinip, 10 yilliq késilgen. Halbuki Yahoo intérnét shirkitining xongkongdiki tarmaq shirkiti, xitay hökümitige shitawning tor bétidiki xet sanduqining adrisini tépip bergen. Melumatlargha qarighanda, xitay hökümiti shitawning éléktronluq xet sanduqida saqlan'ghan xet- cheklerge asasen, uninggha höküm élan qilghan.

Yahoo We amérikidiki bashqa chong intérnét shirketliridin Google, Microsoft lar xitaydiki bazarni jiddiy talashmaqta. Emma bu üch shirketning hemmisi xitay hökümitining mayilliqini qolgha keltürüsh üchün, özining xitay tilidiki izdesh ponkiti we tor betliridiki sezgür uchurlarni süzmekte dep eyiblenmekte.

Bu arida, Yahoo shirkitining xongkongdiki bayanatchisi, özlirining shitawning mesilisi üstidin tekshürüsh élip bériwatqanliqini bildürdi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.