Margot: yawropa we amérika shirketliri xitayning intérnét kontrolluqigha yardem qilmaqta

Yawropa ittipaqi komitétining mu'awin re'isi margot walschom yawropa we amérikidiki bir qisim yuqiri téxnikiliq shirketlirini, xitayning intérnét kontrolluqigha yardem qiliwatqanliqi bilen eyiblidi.

Margot walschom, dunyadiki yuqiri téxnikiliq chong shirketlerdin Microsoft, Google we Yahoo qatarliq shirketlerning xitaygha yardemliship, "démokratiye", "erkinlik" we "kishilik hoquq" dégen'ge oxshash sözlerni intérnétte tosap bériwatqanliqini eyiblidi.

U sözide, "qarighanda bezi shirketler özining tijaret ölchimidin 'exlaq' we 'jem'iyet mes'uliyiti' dégen sözlernimu chiqiriwetken oxshaydu" dédi. U yene, mushundaq téxnikiliq shirketlerni özlirining mes'uliyetchanliqigha qaytip kélishke ündidi.

Xewerde körsitilishiche, yawropa ittipaqi komitétining mu'awin re'isi margot walschom, yuqiridiki meshhur intérnét shirketlirining küchining bériche xitayni razi qilishqa tirishiwatqanliqini körgendin kéyin, bu doklatni yézip chiqishqa mejbur bolghan. (Peride)