Хитай даирилири "хитай әсири" тор бетини тақиди


2006-07-26
Share

Хитай даирилири йеқинда әркин мақалиләрни елан қилиш билән хитайда көзгә көрүнгән "хитай әсири" намлиқ муназирә тор бетини тақивәткән.

"Хитай әсири" тор бети 2000‏- йили бейҗиң билән хитайдики мәдәнийәт тәтқиқат орунлири тәрипидин қурулған болуп, униңда җәмийәт, иқтисат, мәдәнийәт вә пән-техникиға аит темилардин сирт йәнә, хәлқара вәзийәтни асас қилған темилар муназирә қилинидикән. Шундақла хитайдики нурғун зиялийлар бу тор бетидә өз мақалилирини елан қилидикән.

Әмма 25‏-ийол күни бу тор бетидә "мунасивәтлик органларниң уқтуруши билән бу тор бети тақиветилди" дегән елан чиққан. Бу тор бетидә кәң даиридики темилардин башқа йәнә, нурғун әркин пикирләр оттуриға қоюлғачқа, торға чиққучиларниң қизғин алқишиға еришкән һәмдә униңға тизимлатқан кишиләрниң сани 30 миңдин ашқан иди.

Хоңкоңда чиқидиған "җәнубий хитай әтигәнлик гезити" ниң мәзкур тор бәт мәсулиниң сөзини нәқил кәлтүрүшичә, бейҗиң шәһәрлик алақә башқуруш идариси дүшәнбә күни уларға учур тарқитиш рухсәт кенишкисини беҗирмигән дәп бу бәтни тақаш буйруқини чүшүргән. Хитай даирилириниң интернеткә болған контроллуқи нөвәттә ахбарат әркинликини қоғдайдиған орунлар һәмдә кишилик һоқуқ тәшкилатлири әйибләп келиватқан асаслиқ мәсилиләрниң бири болуп қалди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт