Xitay hökümiti intérnétte köz qarashlirini erkin bayan qilghan 3 kishini qolgha aldi
2006.09.20
Xitay hökümiti intérnétte siyasiy köz qarashlirini otturigha qoyup maqale élan qilghan, go féyshi'ung, jang jenxung, chén shuching isimlik üch neper kishini " döletni aghdurushqa qutratquluq qilghan " dep qolgha aldi.
Merkizi fransiyidiki axbarat erkinliki teshkilatining bildürüshiche, xitay hökümiti bu üch kishige dölet hakimiyitini aghdurushqa urunup qutratquluq qilghan, qanunsiz soda bilen shughullan'ghan dégendek gunahlarni artqan. Amérika merkizi axbaratining xewirige qarighanda, bu üch kishi mushu ikki hepte jeryanida qolgha élin'ghan bolup, xitayda yéqinqi bir nechche ay ichide intérnétte siyasiy köz qarashlirini élan qilghanliqi üchün, oxshash seweb bilen hökümet teripidin qolgha élin'ghanlar nechche on'gha yetken.
Amérika merkizi axbaratining chégrisiz muxbirlar teshkilatining sözini neqil keltürüshiche, xitay hökümiti démukratiye hemde kishilik hoquqni yaqlighuchilarni bésip, dexli terz qilip hetta qolgha élip kéliwatqan bolup, yéqindin buyan xitay hökümitining intérnét hemde axbarat erkinlikini boghidighan belgilimilerni chiqirishi ularda yenimu endishe qozghimaqta iken. (Gülchéhre)
Munasiwetlik maqalilar
- Junggo ema kishilik hoquq pa'aliyetchisini 4 yilliq qamaq jazasigha mehkum qildi
- Xitay ziyaliyliri "xitay esiri" tor bétining taqilishigha naraziliq bildürdi
- Naraziliq bildürgen ishchilar xitay saqchiliri teripidin tutqun qilindi
- Xitay da'iriliri tibetlik ayal yazghuchining tor bétini pichetlidi
- Xitay da'iriliri "xitay esiri" tor bétini taqidi