Xitay hökümiti intérnéttiki blog ponkitlirida heqiqiy isim-adrés qollunushni otturigha qoyghan


2006-10-23
Share

'Roytrs agéntliqi' ning 23 ‏- öktebir küni béyjingdin xewer qilishiche, xitaydiki intérnét jem'iyiti dégen teshkilat 'gerde jonggo uchur sana'iti ministirlikining intérnéttiki 'blog' dep atilidighan tor ponkitlirida heqiqiy isim-adrés qollinish kérek dégen siyasiti téxi ijra qilinmighan bolsimu, lékin xitayda hökümetning bundaq siyasetni otturigha qoyghanliqining özila jiddiy inkas qozghidi' dep bayan qilghan.

Xewerde éytilishiche, xitayda 'blog' dep atilidighan intérnét ponkitlirining sani hazir 120 milyon'gha yetken, amérikidin qalsa ikkinchi orunda turidu. Hazir xitayda her küni ottura hésab bilen 17 milyon 500 chong adem bundaq waste arqiliq öz-ara alaqe qilidu. Yéqinda qozghalghan munaziride bolsa, bir qisim tordashlar intérnétta choqum heqiqiy isim -adrés qollinip pikir bayan qilish lazim dep tekitlise, yene bir qisim tordashlar, eger bundaq qilinsa, tordashlarning xususiy mexpiyetlikige tajawuz qilish kélip chiqidu, tordashlar pikir bayan qilishta erkin bolalmaydu, dep tekitlimekte. Gerche hazir bu mesilide munazire qiliwatqan her terep téxi birlikke kelmigen bolsimu, hökümet uninggha pisen qilmay, yenila öz siyasitini ijra qilish üchün jiddiy teyyarliq körmekte. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet