Бундин кийин хитайда интернет торханиси ечишқа тәстиқ берилмәйду

2007-03-06
Елхәт
Пикир
Share
Принт

Ройтерс агентлиқиниң 6 - март бейҗиңдин бәргән хәвиригә қариғанда , бундин кейин хитайда интернет торханиси ечиш тәстиқланмайдикән.

Мәдәнийәт министирлиқиниң докилатиға асасланғанда, хитайдики торханиларға болған башқуруш яки йеңидин ичишқа рохсәт берилмәсликтики асаслиқ сәвәб болса , қорамиға йәтмигәнләрниң интернет арқилиқ җинайәт садир қилишиниң алдини илиш икән.

Хәвәрдә ейтилишичә , хитайдики 18 милйон тор пайдиланғучилириниң 13 пирсәнти қорамиға йәтмигәнләр болуп, буларниң көпинчиси башланғуч вә оттура мәктәп оқуғучилири икән. Бу қарарниң мақуллиниши бир җәһәттин ейтқанда нурғун ата- аниларни хатирҗәм қилғандәк туйғу бәргән.Әмма, хитайда тор ханиларни қаттиқ башқуруш вә өсмурләрниң торханиға киришини чәкләш тоғрисида аллибурун қарар елинған болсиму , хитайдики бу қарар пәқәт қәғәз юзидикила нәрсигә айлинип қалған, қорамиға йәтмигәнләр хитайдики торханларниң даимлиқ меһмини болуп қеливәргән иди.

Баш штаби америкиға җайлашқан, технологийә учурлири ширкитиниң тор битидики "хитайдики торханларни чәкләш унүмсиз болмақта" дегән мақалидә башқичә қарашлар оттуриға қоюлған.Уларниң қаришичә, һөкүмәтниң торханиларни чәклиши ата-аниларни хош қилған вә худди пәрзәнтлири қоғдалғандәк рази қилған болсиму, лекин бу хил чәкләш тәтүр үнүм берип йәр асти тор ханларниң ечилишиға кәң йол ачидикән.

Бу мақалидә йәнә мундақ дейилгән" хитай һөкүмитиниң интернет билән ипи килишмәйдиғанлиқи һәммәйләнгә мәлум.Һөкүмәт сода вә дөләт иқтисадиниң раваҗ тепиши учун интернетни ишлитишкә йол қойған болсиму, лекин өзигә пайдисиз һәр қандақ амилларниң тор арқилиқ мәйданға чиқип қелишидин бәк қорқуп кәлди, шуңа хитай һөкүмити торни көзитип туридиған сақчиларни бәлгилигән" .

Анализчиларниң қаришичә, хитайниң йеңидин торхана ечишқа чәк қоюши, торханиларниң хитай миқясида ямрап кетишниң алдини илиш һәм хитай хәлқи билән сиртқи дуня арисидики алақә йолини үзүш икән. Хитайда һазир 113 миң әнгә илинған интернет торханиси бар .

Уқтуруштин мәлум болушичә , бурун тәстиқ берилгән торханиларниң рәсмийити 2007-йили 30-ийонғичә тамамлинип болуши керәк икән. (Җүмә)

Пикирләр (0)
Share
Толуқ бәт