Bundin kiyin xitayda intérnét torxanisi échishqa testiq bérilmeydu


2007-03-06
Share

Roytérs agéntliqining 6 - mart béyjingdin bergen xewirige qarighanda , bundin kéyin xitayda intérnét torxanisi échish testiqlanmaydiken.

Medeniyet ministirliqining dokilatigha asaslan'ghanda, xitaydiki torxanilargha bolghan bashqurush yaki yéngidin ichishqa roxset bérilmesliktiki asasliq seweb bolsa , qoramigha yetmigenlerning intérnét arqiliq jinayet sadir qilishining aldini ilish iken.

Xewerde éytilishiche , xitaydiki 18 milyon tor paydilan'ghuchilirining 13 pirsenti qoramigha yetmigenler bolup, bularning köpinchisi bashlan'ghuch we ottura mektep oqughuchiliri iken. Bu qararning maqullinishi bir jehettin éytqanda nurghun ata- anilarni xatirjem qilghandek tuyghu bergen.Emma, xitayda tor xanilarni qattiq bashqurush we ösmurlerning torxanigha kirishini cheklesh toghrisida alliburun qarar élin'ghan bolsimu , xitaydiki bu qarar peqet qeghez yuzidikila nersige aylinip qalghan, qoramigha yetmigenler xitaydiki torxanlarning da'imliq méhmini bolup qéliwergen idi.

Bash shtabi amérikigha jaylashqan, téxnologiye uchurliri shirkitining tor bitidiki "xitaydiki torxanlarni cheklesh unümsiz bolmaqta" dégen maqalide bashqiche qarashlar otturigha qoyulghan.Ularning qarishiche, hökümetning torxanilarni cheklishi ata-anilarni xosh qilghan we xuddi perzentliri qoghdalghandek razi qilghan bolsimu, lékin bu xil cheklesh tetür ünüm bérip yer asti tor xanlarning échilishigha keng yol achidiken.

Bu maqalide yene mundaq déyilgen" xitay hökümitining intérnét bilen ipi kilishmeydighanliqi hemmeylen'ge melum.Hökümet soda we dölet iqtisadining rawaj tépishi uchun intérnétni ishlitishke yol qoyghan bolsimu, lékin özige paydisiz her qandaq amillarning tor arqiliq meydan'gha chiqip qélishidin bek qorqup keldi, shunga xitay hökümiti torni közitip turidighan saqchilarni belgiligen" .

Analizchilarning qarishiche, xitayning yéngidin torxana échishqa chek qoyushi, torxanilarning xitay miqyasida yamrap kétishning aldini ilish hem xitay xelqi bilen sirtqi dunya arisidiki alaqe yolini üzüsh iken. Xitayda hazir 113 ming en'ge ilin'ghan intérnét torxanisi bar .

Uqturushtin melum bolushiche , burun testiq bérilgen torxanilarning resmiyiti 2007-yili 30-iyon'ghiche tamamlinip bolushi kérek iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet