Хитай интернет алақисигә болған көзитиш, тәкшүрүш вә тәқиб қилиш техникисини техиму кеңәйтмәкчи

2007-03-13
Елхәт
Пикир
Share
Принт

Йеңидин мәйданға кәлгән интернет техникиси хитайниң тор алақисигә болған көзитиш, тәкшүрүп туруш вә тәқиб қилиш ишлириға қийинчилиқ туғдурди. Шуниң билән хитайда, мушу техникидин пайдилинип йошурун һалда интернет йезиқчилиқи вә тор ахбаратчилиқи билән шуғуллинип хитай һөкүмитигә вә сияситигә өз наразилиқлирини ипадиләйдиған хаһишлар күнсайин ашқан иди.

Франсийә агентлиқиниң 13 ‏-март бейҗиңдин бәргән хәвиригә қариғанда, интернет йезиқчилиқи вә тор ахбаратчилиқиға болған контроллуқини күчәйтиш үчүн, хитай йәнә интернет алақисигә болған тәқиб қилиш техникисини техиму кеңәйтмәкчи.

Хитай нәшрият вә ахбарат башқуруш идарисиниң башлиқи луң шинмин мундақ дәйду, " илғар интернет йезиқчилиқи вә тор ахбаратчилиқи техникиси, һөкүмәтниң ентирнетни көзитип туруш ишлириға қийинчилиқ туғдурмақта ".

Бу йил январда хитай президенти ху җинтав " интернетни тазилаш" қа чақирған. Луңниң билдүрүшичә, хитай һөкүмити" техиму сағлам вә актип интернет муһити һазирлаш" үчүн, йиңи бир интернет түзүмини оттуриға қоюшқа тәйярлиқ қиливатқан икән. Мутәхәссисиләрниң ейтишичә, хитайда ентернеткә болған тәқиб вә көзитиш ишлирини йүргүзидиған 30 миңдин 40 миңғичә "интернет сақчиси" бар икән.

Ахбарат васитилири көзәтчиси "чегрисиз мухбирлар тәшкилати" хитай һөкүмитини " интернет дүшмини" дәп атайду. Өткән йили хитайда 52 адәм һөкүмәт тәрәп "намувапиқ" дәп қариған пикирләрни торда баян қилғанлиқи үчүн түрмигә ташланған. (Җүмә)

Пикирләр (0)
Share
Толуқ бәт