Америка интернет бихәтәрлик ширкити хитайни интернет җасуслуқи билән әйиплиди


2007-11-30
Share

Мәркизи нюйорк шәһиридики америка юмшақ деталлар бихәтәрлик ширкити McAfee, хитай даирилирини интернет алақисидин пайдилинип җасуслуқ һәрикәтлири елип бериш билән әйиблиди. Мәзкур ширкәт пәйшәнбә күни елан қилған доклатида, хитай даирилирини интернет җасуслуқи билән әйибләпла қалмай, интернет соғуқ мунасивәтләр урушиниң алдинқи сепидә турмақта, дәп әйиблигән.

Доклатта әскәртишичә, хитай интернет җасуслуқи билән шуғуллинидиған дунядики 120 дөләт ичидә әң актип орунда турмақта. Доклатта йәнә, хитайниң өткән бир йилда америка , германийә, һиндистан қатарлиқ дөләтләрниң һөкүмәт органлиридики тор бәтлиригә һуҗум қилиш билән әйибләнгәнликини әскәртти. Лекин хитай даирилири McAfee ширкитиниң доклатидики баянларни рәт қилип, җуңго интернет сестимиси башқиларниң һуҗумиға учраватқанлиқини илгири сүргән болсиму, лекин хитай ташқий ишлар баянатчиси қайси дөләтниң һуҗумиға учраватқанлиқини тилға алмиди.

Доклатта, хитай һөкүмәт мәтбуатлириниң бу һәқтики хәвәрлирини нәқилләп, бу хәвәрләрдә бейҗиң һөкүмити интернет җасуслуқида һөкүмәтниң ойниған ролини етирап қилған, дәп язди. Доклатта йәнә, америка һәрбий мутәхәссислириниң "хитай дуняда интернетни һуҗум қорали сүпитидә һәрбий мәқсәтләр үчүн 1 - қетим қолланған дөләт " дегән сөзини алаһидә тәкитлигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт