Xitayda tor ponkitlirini tizimgha aldurush telep qilindi


2005-06-07
Share

Xitaydiki alaqidar da'iriler, memliket ichidiki tor ponkitlirini choqum tizimgha aldurush toghrisida höjjet tarqitip, tizimgha aldurmighan tor ponkitlirini taqaydighanliqi yaki éghir jerimane qoyudighanliqini agahlandurdi.

Xitay uchur igiliki ministirliqining höjjiti boyiche, tizimgha aldurmighan tor ponkitlirigha köp bolghanda bir milyon yü'en jerimane qoyulidiken. Mezkur organning tor bétidiki xewerde körsitilishiche, xususiylar bashqurushidiki yaki tijaret xaraktirige ige bolmighan tor ponkitlirining mes'ulliri kimlikini tizimgha aldurush kérek. Tizimgha aldurushning axirqi chékini 6 - ayning 30 - küni, dep békitken. Hazirgha qeder xitayda memliket ichidiki 74 ٪ tor ponkiti tizimgha élin'ghan.

Birleshme axbarat agéntliqi xitayda intérnét qollinidighan kishilerning sani 87 milyon'gha yétidighanliqini bildürdi. Közetküchiler, mezkur belgilime xitay hökümitining éghir bésimi astidiki Uyghurche tor ponkitlirining ehwalini téximu qiyinlashturuwétishi mumkin, dep körsetmekte.

Merkizi parizdiki "chégrisiz muxbirlar teshkilati" tor ponkitlirini tizimgha élish belgilimisi, tor ponkiti qurghuchilarni qorqutushni meqset qilghanliqini eyibligen. Mezkur organ xitay da'irilirining tor ponkitlirini közütüsh we bayqash téxnikisining ilgharliqi kishini endishige salidu, dep körsetken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet