Xitay, xelq puli qimmitini monopol qilish heqqidiki eyipleshni ret qildi

Xitay pul mu'amile orgini charshenbe küni "hökümet xelq puli qimmitini qesten töwen tutiwaldi" dégen qarashni ret qildi.

Amérika birleshme axbarat agéntliqining xewirige qarighanda, xitay tashqi péréwot bashqurush idarisining bashliqi go shuching, xitay da'iriliri géziti bolghan "xitay kündilik géziti" de bir parche maqale élan qilip, béyjing hökümitining ezeldin xelq puli qimmitini monopol qilmighanliqini, ötkenki 10 yildin buyan xitay puli dollar bilen maslashturulup, 1 dollargha 8.2 Yu'en toghra kélish nisbitide turghanliqini bildürdi.

Amérika hökümiti bashchiliqidiki bashqa tereqqiy qilghan döletler xitaygha, xelq puli qimmitige bolghan monopolluqni boshitish toghrisida bésim ishlitip kelgen bolup, bu döletler xitayning xelq puli qimmitini az dégende ٪ 40 ke yéqin töwen tutqanliqini körsetti. Shundaqla shu seweptin erzan xitay mallirining xelq'ara bazirida adil bolmighan ehwalda üstünlükke érishiwalghanliqini eyiplidi. (Peride)