Amérika: xitay pul-mu'amile bazirini islahat qilishi kérek

Nyuyork waqti gézitining 8 ‏- marttiki melumatigha qarighanda, yéqinda xitayda ziyarette bolghan amérika maliye ministiri hénri pa'ulson xitay iqtisadi islahat qedimini tézlitip, pul-mu'amile bazirini chet'ellik riqabetchilirige échiwétish kérek, dédi.

Pa'ulson shangxey pul almashturush merkizide sözligen nutiqida tepsiliy tehlil qilghan bir qatar pul-mu'amile baziri islahatining, xitayning turaqsiz bazar ehwalining muqim bolushigha we dunya iqtisadining tengpunglishishigha paydisi tégidiken. Hénri pa'ulson ötken yazda hoquq tapshurup alghanda, xitaygha bésim ishlitip,ikki döletning yuqiri derijilik emeldarliri arisida " istratégiyilik di'alog" ornitishqa tirishidighanliqi heqqide qesem qilghan idi.

Charshenbe küni, hénri pa'ulson xitayning mu'awin dölet ministiri wu yi bilen istratégiyilik di'alog ilip bérish üchün béyjingda toxtap ötken we "xitay islahatini kéchiktürgenséri, saghlam kapital baziri yaritish we öz nishanimizgha tengpunglashqan, maslashqan halda yétishimiz shunche teslishidu" dégen . Uning éytishiche, bosh hökümiti we parlamént xitayning iqtisadi we pul-mu'amile islahati jehette qedimini tézlitishni hem mushu arqiliq ikki dölet arisida tengpunglashqan soda sehnisi hazirlashni ümid qilidiken.

Xewerdin melum bolushiche, gerche hénri pa'ulson xitay- amérika pul mu'amiliside yingi bir nuqtini otturigha qoymighan bolsimu, lékin uning nutuqlridin xitay- amérika munasiwetliride jiddiychilik peyda boluwatqanliqini hés qilghili bolidiken. (Jüme)