Iran shangxey hemkarliq teshkilatigha eza bolush üchün jiddiy tirishchanliq körsetmekte


2006.04.17

Rusiyining itartas agéntliqining xewer qilishiche, rusiyini ziyaret qiliwatqan iran tashqi ishlar ministirliqining aliy derijilik xadimi menuchihir muhemmedi jüme küni, rusiye tashqi ishlar ministirliqining diplomatiye mektipide oqughuchilargha bergen bayanatida, iranning shangxey hemkarliq teshkilatigha kirish arzusini ipadiligen.

Xewerde éytilishiche, muhemmedi sözide, iran we hindistan nöwette shangxey hemkarliq teshkilatida nazaretchi ornigha ige, bu ikki dölet aldimizdiki yazda mezkur teshkilatning toluq ezasi bolushi mumkin. Iran we hindistanning teshkilatqa toluq eza bolushi, shangxey hemkarliq teshkilatini téximu küchlendüridu. Hazir bu teshkilatning rusiye we xitay qatarliq küchlük ikki ezasi bar. Hindistan we iranning shangxey hemkarliq teshkilatigha eza bolushi bilen, teshkilat küchlük töt ezagha ige bolidu, dégen.

Shangxey hemkarliq teshkilati 1996‏- yili rusiye, xitay, qazaqsitan, qirghizistan we tajikistan qatarliq döletler teripidin ottura asiyadiki öz-ara hamkarliqni tereqqiy qildurush we chégra mesililirini bir terep qilish üchün qurulghan.

Emma siyasiy mulahizichiler, shangxey hemkarliq teshkilatini, amérikining künséri köpiyiwatqan siyasiy we herbiy tesir küchige qarshi turush üchün qurulghan bir teshkilat dep qarimaqta. Shangxey hemkarliq teshkilati , 2001‏- yili özbékistanni resmiy eza qilip, qobul qildi we pakistan'gha nazaretchi süpitide orun bergen . (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.