Ирақта йүз бәргән һуҗумларда аз дегәндә 90 адәм қаза қилди


2007.02.25
Share on WhatsApp
Share on WhatsApp

Шәнбә вә йәкшәнбә күнлири, ирақта йәнә бир қатар партлаш вәқәлири йүз берип, аз дегәндә 90 адәм қаза қилди. Бомба қачиланған козуплуқ бир машина, ирақтики сүний мусулманлар мәсчитиниң йенида партлап, аз дегәндә 40 адәмниң өлүмини 60 адәмниң ярилинишини мәйданға кәлтүрди. Мәзкүр партлаш вәқәси ирақниң ғәрбийдики бағдатқа йеқин хабания шәһиридә йүз бәргән.

Бу арида зораван күчләр , бағдат айрудуруминиң йенидики бир тәкшүрүш понкитиға һуҗум қилип, 8 нәпәр ирақ сақчисини өлтүргән. Сақчиларниң билдүришичә, тоқунуш давамида аз дегәндә зораван күчлиридин иккиси өлтүрүлгән.

Буниңдин сирт, бағдаттики иран әлчиханисиға йеқин җайда машина партилтиш вәқәси йүз берип, йолдин өтүп кетиватқан икки киши һаятидин айрилған , ирақ сақчилири йәнә бағдаттики бир али мәктәпниң алдида йүз бәргән өзини өлтүрвилиш харәктирлик партилтиш һуҗумида аз дегәндә 40 адәмниң қаза қилип, 30 нәччә адәмниң яриланғанлиқини билдүрди.

Ирақта йүз бәргән бу тоқунушлардин бир нәччә күн илгири, ирақ министири нурий әл малики": бағдатта елип берилған бихәтәрлик тәдбирлиридин кейин, мәзһәпләр арсидики өлтүрүш, гөрәгә елиш һәрикәтлири хели азайди" дигән болуп, у сөзидә йәнә, көплигән қораллиқ күчлиирниң бағдаттин айрилғанлиқини, 2 ‏- айниң 14 ‏- күнидин буян һазирға қәдәр 426 нәпәр қораллиқ қаршилиқ көрсәткүчи гумандарларниң қолға елинғанлиқини тәкилигән иди.

Нөвәттә америка һәрбий қоманданлиқ шитаби, ирақ әскәрлириниң өзлири билән бирликтә елип бериватқан һәмкарлиқ һәркәтлиридин интайин мәмнун икәнликини билдүрмәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.