Iraq tashqiy ishlar ministiri xitayni ziyaret qildi


2004.12.24
Share on WhatsApp
Share on WhatsApp

Iraq tashqi ishlar ministiri xoshyar zabari xitayni ziyaret qilip, xitay shirketlirini iraqning qayta qurulushida téximu chong rol oynashqa chaqirdi. Zabarining xitaydiki ziyariti besh kün dawamlishidu.

Roytérs axbarat agéntliqi, iraq tashqi ishlar ministirining xitaylar bilen xitayning künsiri éshiwatqan énérgiye ihtiyaji heqqide sözlishidighanliqini bildürdi. Zabari, iraqning alaqe esliheliri, qatnash - transiport we sehiye ishlirini öz ichige alghan asasi qurulush eslihelirini qurushqa ihtiyaji barliqini ilgiri sürgen. Zabari, xitay shirketlirini iraqtiki tijaret pursitini ching tutushqa chaqirip, iraq tarixidiki eng müshkül dewride turuwatqanliqini tekitligen.

Néfit énérgiye mesilisining tilgha élin'ghanliqi ashkare élan qilinmidi. Biraq, roytérs axbarat agéntliqi, xitaylarning sadam hüseyin dewridin kéyinki iraq da'iriliri bilen néfit énérgiye saheside hemkarlishishqa qiziqidighanliqini ilgiri sürgen. Nöwette xitaylar özige kéreklik bolghan néfit , teb'iy gaz énirgiyisining 3 den biridin köprekini chet'eldin import qilidu. Xitay, amérikining iraqqa hujum qilishigha qarshi chiqqan b d t xewpsizlik kéngeshidiki da'imiy eza döletlerning biri.

Iraqtiki xitay shirketliri, amérikining iraq ishghaliyitidin kéyinki qattiq bixeterlik tedbirler , zorawanliq weqeler shundaqla görüge élish hadisiliri yüz bérip turiwatqan weziyet astida iraqqa qaytqan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.