Шәншидә 10 миңдин көп ишчи иш ташлиди
2004.09.15
Шәншидики бир тоқумичилиқ фабрикисиниң 10 миңдин ошуқ ишчиси чаршәнбә күни, мәзкүр завутниң хоңкоңдики бир ширкәт билән бирлишишигә нарази болуп иш ташлап намайиш қилди.
Фирансийә ахбарат агентлиқиниң хәвиригә қариғанда, бу иш ташлаш һәрикити шәнши өлкисиниң шийәняң шәһиридә йүз бәргән болуп, намайишниң асаслиқ сәвәби, ишчилар мәзкүр завутниң хоңкоңдики бир ширкәт билән бирлишиш шәртлиригә рази болмиған.
Нөвәттә мунасивәтлик һөкүмәт даирилири ишчилар билән көрүшүшкә мәхсус адәм әвәткән болсиму, әмма завут тәрәп ишчилар билән келишишни рәт қилған. Хәвәрдә көрситилишичә йәнә, дәсләп 3 миң ишчи сәйшәнбә күни намайишни башлиған болуп, йәрлик сақчи даирилири нәқ мәйданда буни баштин-ахир күзитип турған. Әмма һечқандақ тоқунуш көрүлмигән. (Пәридә)