Shenshide 10 mingdin köp ishchi ish tashlidi


2004.09.15

Shenshidiki bir toqumichiliq fabrikisining 10 mingdin oshuq ishchisi charshenbe küni, mezkür zawutning xongkongdiki bir shirket bilen birlishishige narazi bolup ish tashlap namayish qildi.

Firansiye axbarat agéntliqining xewirige qarighanda, bu ish tashlash herikiti shenshi ölkisining shiyenyang shehiride yüz bergen bolup, namayishning asasliq sewebi, ishchilar mezkür zawutning xongkongdiki bir shirket bilen birlishish shertlirige razi bolmighan.

Nöwette munasiwetlik hökümet da'iriliri ishchilar bilen körüshüshke mexsus adem ewetken bolsimu, emma zawut terep ishchilar bilen kélishishni ret qilghan. Xewerde körsitilishiche yene, deslep 3 ming ishchi seyshenbe küni namayishni bashlighan bolup, yerlik saqchi da'iriliri neq meydanda buni bashtin-axir küzitip turghan. Emma héchqandaq toqunush körülmigen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.