Sichu'ende nechche ming ishchi ish heqqige narazi bolup ish tashlidi

2008-02-26
Élxet
Pikir
Share
Print

Amérika awazi radi'osining -26féwral élan qilishiche, bir nechche kün ilgiri,xitayning sichu'en ölkisi sentey nahiyisidiki paxta toqumichiliq guruhigha qarashliq bir toqumchiliq zawutining üch mingdin artuq ishchisi biraqla ish tashlighan.

Sentey nahiyilik hökümetning bir xadimining radi'o muxbirigha seyshenbe küni ashkarilishiche, mezkür toqumichiliq zawutining nechche ming ishchisi ish heqqining töwenliki, mal bahasining özlüksiz örlewatqanliqidin narazi bolup ish tashlighanliqigha üch kündin ashqan bolup, zawutning ishchiliri " qolimizda pul yoq, emma mal bahasi örlewatidu, bu bizning turmushimizgha éghir tesir körsitiwatidu, ma'ashimizni östürüshni telep qilimiz " dep ching turghan.

Bu xadim yene, mezkür toqumichiliq zawut tarmaqlirining ishchilarning ma'ashining töwenliki hem mal bahasining örlewatqanliqigha qarita naraziliq pikirini qobul qilip ma'ashini östürüshke wede qilghanliqini éytqan.

Ötken yilidin buyan, xitay hökümiti Uyghur yéza éshincha emgek küchlirini xitay ölkilirige yötkep ishqa orunlashturush bahaniside,Uyghur qizlirini asas qilip yéza yashlirini türkümlep xitay ölkilirige yötkewatqan bolup, ular asasen xitayning yéza ‏- nahiyiliridiki zawutlargha ishchiliqqa orunlashturulghan.

Gerche zawutlar yuqiri ma'ash hem teminatlarni wede qilghan bolsimu, radi'omizning igiligen uchurliridin melum bolushiche, xitay zawutlirigha ishchiliqqa barghan Uyghur qizlar töwen ma'ash bilen éghir hem uzaq emgekke tutulmaqta iken, emma ular til we muhitqa yat bolghanliqi seweblik naraziliqini ipadilesh hem qarshiliq bildürüsh imkaniyitigimu ige emes bolup, türlük heqsizliklerning qurbani bolmaqta iken. (Gülchéhre)

Pikirler (0)
Share
Toluq bet