Хитайда ишчиларниң әмгәк һоқуқини тәләп қилип " чоң намайиш қилиш" ишлири көпийишкә башлиди


2007-07-25
Share

Хитай һөкүмәт ахбарат васитилириниң хитай дөләтлик қанун бекитиш оргинидики юқири дәриҗилик әмәлдарниң ейтқанлирини нәқил кәлтүрүп көрситишичә, хитайда иқтисадниң җиддий өзгиришигә әгишип, ишчиларниң әмгәк һоқуқини тәләп қилип " чоң намайиш қилиш" ишлири көпийишкә башлиған.

Бирләшмә агентлиқиниң бу һәқтә бәргән хәвиридә ейтилишичә, хитай хәлқ қурултийи қанун комитетиниң рәиси яң җиңйү чаршәнбә күни шинхуа ахбарат агентлиқиға, 1995- йилидин 2006 йилғичә болған арилиқта әмгәк һоқуқиға аит 13 қетимдин артуқ намайиш йүз бәргәнликини билдүргән.

Әмма мәзкур хитай әмәлдари бу намайишлар һәққидә тәпсилий учур бәрмигән яки мисал көрсәтмигән вә яки бу хилдики намайишларниң немә үчүн йүз бәргәнлики һәққидә көп тохталмиған.

яң: " заманивилаштуруш вә шәһәрләштүрүш қәдиминиң тезлишишигә әгишип хитайда ишчиларниң һәқ- һоқуқиға дәхли тәрз қилиш қилмишлири көпәймәктә" дегән вә пәқәт хитайдики чоң һәм оттура типтики ширкәтләрдин 20 пирсәнтила ишчилар билән әмгәк тохтими түзгәнликини билдүргән.

У йәнә, малларниң тәннәрхини төвәнлитиш үчүн, йеримдин көпрәк карханиларниң қисқа муддәтлик ишчи алидиғанлиқини, бундақ әһвал астида ишчиларниң өзлириниң қануни һәқ- һоқуқни қоғдап қелиши бәк тәскә тохтайдиғанлиқини көрсәткән.

Шуниңға яндашқан һалда, чаршәнбә күни америкидики әң чоң парчә сетиш ширкити Wal-Mart өзигә мал тәминләйдиған икки хитай ширкити ишчиларни експилататсийә қилди, дәп қариғачқа пәхәс болмақчи икәнликини билдүргән.

Вал-март парчә сетиш ширкити хитай бөлүминиң баянатчиси җонатһан дуң вал-март үчүн мәһсулат тәминләйдиған йүе виңчуң йеник санаәт мәһсулатлири ширкити вә чоң қуруқлуқ шарпа ширкитиниң иш түзүмидә мәсилә барлиқини байқиғанлиқини билдүргән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт