Xitayda ishchilarning emgek hoquqini telep qilip " chong namayish qilish" ishliri köpiyishke bashlidi


2007-07-25
Share

Xitay hökümet axbarat wasitilirining xitay döletlik qanun békitish orginidiki yuqiri derijilik emeldarning éytqanlirini neqil keltürüp körsitishiche, xitayda iqtisadning jiddiy özgirishige egiship, ishchilarning emgek hoquqini telep qilip " chong namayish qilish" ishliri köpiyishke bashlighan.

Birleshme agéntliqining bu heqte bergen xewiride éytilishiche, xitay xelq qurultiyi qanun komitétining re'isi yang jingyü charshenbe küni shinxu'a axbarat agéntliqigha, 1995- yilidin 2006 yilghiche bolghan ariliqta emgek hoquqigha a'it 13 qétimdin artuq namayish yüz bergenlikini bildürgen.

Emma mezkur xitay emeldari bu namayishlar heqqide tepsiliy uchur bermigen yaki misal körsetmigen we yaki bu xildiki namayishlarning néme üchün yüz bergenliki heqqide köp toxtalmighan.

Yang: " zamaniwilashturush we sheherleshtürüsh qedimining tézlishishige egiship xitayda ishchilarning heq- hoquqigha dexli terz qilish qilmishliri köpeymekte" dégen we peqet xitaydiki chong hem ottura tiptiki shirketlerdin 20 pirsentila ishchilar bilen emgek toxtimi tüzgenlikini bildürgen.

U yene, mallarning tennerxini töwenlitish üchün, yérimdin köprek karxanilarning qisqa muddetlik ishchi alidighanliqini, bundaq ehwal astida ishchilarning özlirining qanuni heq- hoquqni qoghdap qélishi bek teske toxtaydighanliqini körsetken.

Shuninggha yandashqan halda, charshenbe küni amérikidiki eng chong parche sétish shirkiti Wal-Mart özige mal teminleydighan ikki xitay shirkiti ishchilarni ékspilatatsiye qildi, dep qarighachqa pexes bolmaqchi ikenlikini bildürgen.

Wal-mart parche sétish shirkiti xitay bölümining bayanatchisi jonathan dung wal-mart üchün mehsulat teminleydighan yüé wingchung yénik sana'et mehsulatliri shirkiti we chong quruqluq sharpa shirkitining ish tüzümide mesile barliqini bayqighanliqini bildürgen. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet