Бир хитай ишчиси ишқа орунлаштуруш идарисиға наразилиқ билдүрүп өзигә от қоюп бәрди


2004-09-23
Share

Чаршәнбә күни хитайниң хелуңҗияң өлкисидин бейҗиңға иш издәп кәлгән ваң ву исимлик 32 яштики бир хитай ишчиси, бейҗиңдики бир ишқа орунлаштуруш идарисиниң алдам халтисиға чүшүп қалғанлиқи үчүн өзигә от қоюп бәргән . Хәвәрдә ейтилишичә, бу вәқә дә һәм мәзкур ишчи һәмдә уни қутқузушқа тиришқан бир бихәтәрлик хадими қаттиқ яриланған

Франсийә ахбарат агентлиқиниң хәвәр қилишичә, ваң ву чаршәнбә күни әтигән, ишқа орунлаштуруш идариси бинасиниң алдиға келип , үстигә бензин төкүп, от қойған.

Хәвәрләргә қариғанда, ваң ишқа орунлаштуруш идарисиға, униңға иш типип бериши үчүн 2000 йүән пул бәргән икән . Гәрчә мәзкур идарә униңға иш типип бәргән болсиму, әмма у үч күндин кийин иштин бошитилған . Ишқа орунлаштуруш идариси ваңниң пулини қайтуруп елиш тәлипини рәт қилған . (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт