2005 - Йили хитайда техиму көплигән али мәктәп оқуғучилири мәктәп пүттүрүп ишсиз қалиду


2005-01-14
Share

Хитай дөләт маарип министирлиқиниң йеқинда елан қилған әң йеңи санлиқ мәлуматида ейтилишичә, бу йил хитайдики алий мәктәпләргә оқуғучи қобул қилиш нисбити٪ 19 кә йәткән болуп, америкиниңму алдида болған. Лекин шуниң билән бир вақитта, алий мәктәп пүттүргәнләрниң сани 3,380,000 ға йәткән болуп, улар мәктәп пүттүрүш биләнла ишсиз қелиш әһвалға дуч кәлмәктә.

Мәзкур санлиқ мәлуматта көрситилишичә, бу йил хитай бойичә али мәктәп пүттүридиған оқуғучиларниң сани 2004 - йилиға селиштурулғанда 580 миң нәпәр артуқ болуп, өрләш нисбити ٪ 20 тин ашқан. Мунасивәтлик мутәхәссисләрниң билдүрүшичә, йеқинқи йиллардин буян али мәктәпләрдә йүргүзиливатқан кеңәйтип оқуғучи қобул қилиш сиясити түпәйлидин, мәктәп пүттүргән оқуғучилар сани йилдин- йилға шиддәтлик өрләп, җәмийәт иһтияҗидин һалқип, еғир мәсилигә айланмақта.

Мунасивәтлик матирияллардин мәлум болушичә, йеқинқи йиллардин буян, хитай өлкилиридин алий мәктәп пүттүргән нурғун хитай оқуғучилири "ғәрбкә ярдәм қилиш" баһаниси билән уйғур районидики һәрқайси област вә наһийәләргә тәқсим қилинип ,мәзкур районниң маарип, сәһийә, йеза игилик қатарлиқ саһәлиридә ишлимәктә. Уйғур районидин келиватқан теләфонлардин мәлум болишичә, хитай оқуғучилириниң түркүмләп келиши мәзкур районниң өзидә алий мәктәп пүттүргән уйғур оқуғучилириниң хизмәт тепиш мәсилисини илгирикидин техиму еғир һаләткә чүшүрүп қоймақта. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт