Roytris agéntliqining 13 - mart béyjingdin bergen xewiride éytilishiche, xitaydiki bir ministir xitay ishsiz qalghan ademlirige bolupmu ali mektepni püttürüp xizmet kütüp turuwatqan yashlargha xizmet tépip bérishte éghir sinaqqa duch kélidighanliqini bildürdi.
Xitay emgek we ijtima'iy parawanliq ministirliqining ministiri tyen chéngpingning bildürüshiche, bu yil xitay sheherliride ish izligüchilerning sani 24 milyon bolup, hökümet bularning peqet yériminila xizmet bilen teminliyeleydiken.
Tyen chéngping xitay xelq qurultiyida mundaq dédi: "bizning hazirqi ishqa orunlishish ehwali heqqidiki analizimizgha qarighanda, kelgüside ish tépishqa bolghan bésim téximu éghir bolidu, ehwal téximu yamanlishidu".
Tyenning bildürüshiche, bu yilqi ish izliguchilerni yéngidin oqush püttürgen 5 milyon aliy mektep oqughuchisi, yéza-qishlaqlardin sheherge xizmet izleshke seldek éqiwatqan déhqanlar we hökümet igidarchiliqidiki zawut-kanlardin boshitiwitilgen ishchilar teshkil qilidiken.
2006- Yilning axirida xitayda en'ge élin'ghan ishsizliq nisbiti 4.1 Prsent bolup, 2005 - yilidiki 4.2 Pérsenttin héchqanche töwenlimigen.
Xitayda ishsizliq nisbitini ölcheshte peqet sheher - bazarlardiki ishsizliq nisbiti asas qilidighan bolup, bu xitaydiki ishsizliqning ayrim qisminila körsitip béridiken. Iqtisadshunaslarning qarishiche, xitaydiki ishsizliq nisbiti eng az dégendimu hökümet terep élan qilghandin ikki hesse yuqiri iken.
Tyen chéngpingning éytishiche, ötken yili xitayda 1. 2 Milyon aliy mektep oqughuchisi xizmet tapalmighan. Uninggha yene bu yil oqush püttüridighan 4. 95 Milyon oqughuchi qoshulsa 6 milyondin artuq aliy mektep oqughuchisi ishsiz qalidiken. (Jüme)
Munasiwetlik maqalilar
- Xitay talantliq ademliridin ayrilip qalmaqta
- Xitay hökümiti kéler yili 15 milyon ademge ish tépip bérelmeydu
- Xangjuda 3000 neper ishchi - xizmetchi namayish ötküzdi
- Xitaydiki 4 milyon aliy mektep oqughuchisining xizmet tépishi tes bolmaqta
- Chongching tégang ishchilirining namayishi basturuldi we ikki adem öldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- “Qanliq shawgu'en weqesi” ning 13 yilliq xatire küni: “Dunya bu weqeni untup qalmasliqi kérek”
- Xitay qaramayda tunji bolup sinaq qiliwatqan eqliy iqtidarliq charlighuchi mashina qandaq nerse?
