Йәршари характерлик иссип кетиш һадисиси хитайға еғир тәсир көрситиши мумкин


2007.03.05
Share on WhatsApp
Share on WhatsApp

Йәршари характерлик иссип кетиш һадисисиниң сәвәбидин бу йил хитай 50 йилдин буянқи әң иссиқ қиш пәслигә дуч кәлгән.

Хитай метрологийә башқуруш идарисиниң йеқинда бәргән мәлуматиға асасланғанда, 2006-йили декабирдин, 2007-йили февралғичә пүтүн хитайниң оттуричә температуриси минус 2.4 Силсийә гирадус болуп, 1998-1999 йилдики минус 2.3 Силсийә градустин юқири болған.

Хитай метрологийә башқуруш идарисиниң баянатчиси соң лйәнчүнниң билдүрүшичә, қишта температуриниң юқири болуши йеза игиликигә наһайити пайдисиз икән.

Мутәхәссисләрниң билдүрүшичә, әгәр бу йил қиштики температура юқирилиқи растинла йеза игиликигә тәсир көрсәтсә, бу һадисә хитайдики 800 милйон деһқанниң турмушиға оңушсизлиқ туғдуридикән.

Хәвәрләргә қариғанда , бу йил қиш пәслидин кейинла уйғур елиниң һәр қайси районлирида һава келиматиниң нормалсиз өзгириши нәтиҗисидә еғир қурғақчилиқ апәтлири көрүлүшкә башлиған. Һәтта шамал еғизлирида пойиз өрүлүп өлүм һадисилириму йүз бәргән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.